2 KHANG TANGTHU NIHNATE 22:5 - Tedim Bible

⁵ Amah in amaute’ thugen nangawn zui a, Ramothgilead ah Siria kumpi Hazael tawh a kido dingin Israel kumpi Ahab’ tapa Jehoram tawh kuan hi. Tua ciangin Siria mite in Jehoram liamsak uh a,

Tedim Bible Revision 2017

⁵ Amah in amauteʼ thugen nangawn zui a, Ramoth-gilead ah Syria kumpi Hazael tawh a kido dingin Israel kumpi Ahabʼ tapa Joram tawh a kuan hi. Tua ciangin Syria mite in Joram liamsak uh a,

2 KHANG TANGTHU NIHNATE 22:5 Referans Kwoze

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Daniel 5:22

Ahih hangin a tapa ahi nang mah Belshazaar in hih thu khempeuh na theih hangin na kiniamkhiat tuan kei hi.

Late 1:1

Mi nuamsa i cih in, migilote’ thu a zui lo mi, mimawhte’ lampi-a ding lo mi, mi a thusim lote’ phual-a tu lo mi;

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

2 KHANG TANGTHU NIHNATE 18:31

Leeng galkap a ukte in Jehoshafat a muh uh ciangin, “Israel kumpipa hi,” a ci uh hi. Tua ahih ciangin amah do dingin amaute kihei uh hi; tua ciangin Jehoshafat kikokhia a, Topa in amah huh hi. Pasian in ama kiang panin amaute kaikhia hi;

2 KHANG TANGTHU NIHNATE 18:3

Israel kumpipa Ahab in Judah kumpipa Jehoshafat kiangah, “Ramothgilead-ah kei tawh nong kuan ding hiam?” a ci hi. Amah in dawngin, “Keimah in nangmah bang ka hi a, ka mite in nangma mite mah bang ahi hi. Kote in galdona ah nang tawh kong kuan ding uh hi,” a ci hi.

2 KUMPI NIHNATE 8:9

Tua ahih ciangin amah dawn dingin Hazael pai a, Damaskas a, na hoih namkim kalaoh puak sawmli letsong a keng hi. Amah hong tungin ama mai-ah a din’ ciangin amah in, “Siria kumpipa na tapa Benhadad in nang kiangah kei hong sawlin, ‘Hih natna panin ka damkik zo ding hiam?’ ci hi,” a ci hi.

1 KUMPI MASATE 22:3

Tua ciangin Israel kumpipa in a nasemte kiangah, “Ramoth-gilead eima’ aa hi a, eite pau loin om-in Siria kumpipa khut sung panin i lakkhiat lohna thu na thei uh hiam?” a ci hi.

1 KUMPI MASATE 4:13

Ramoth-gilead gam sungah Ben-geber (Amah in Gilead sunga om Manasseh’ tapa Jair’ khua neute leh Bashan sungah a om Argob gamsung, kulhpite leh sumngo zawlte a nei khuapi lian sawmguk nei hi);

2 KHANG TANGTHU NIHNATE 22:6

Siria kumpi Hazael a do lai takin Ramah ah a ngah a liamnate Jezre-el-ah a kidamsak dingin kilehkik hi. Tua ciangin Jezre-el ah Ahab’ tapa Jehoram a cina ahih manin amah a en dingin Judah kumpipa Jehoram’ tapa Ahaziah hawhsuk hi.

2 KUMPI NIHNATE 3:1

Judah kumpipa Jehoshafat’ kum sawm-le-giatna kumin Samaria sung Israelte tungah Ahab’ tapa Jehoram kumpi suak a, amah in kum sawm-le-nih sung uk hi.

2 KUMPI NIHNATE 9:1

Tua ciangin kamsang Elisha in kamsangte’ sung pan khat samin ama kiangah, “Kithawi in la, hih sathau um tawi-in Ramoth-gilead ah va pai in.