2 KHANG TANGTHU NIHNATE 22:3 - Tedim Bible

³ Ama nu in a sia-a a gamtatna ah lamlak ahih manin amah in zong Ahab innkuan lampite mah tawn hi.

Tedim Bible Revision 2017

³ Ama nu in a sia-a a gamtat nading lamlak ahih manin amah zong Ahab innkuan dangteʼ gamtat bangin a gamta hi.

2 KHANG TANGTHU NIHNATE 22:3 Referans Kwoze

Sawltak 4:19

Piter leh Johan in, “Topa’ thu sangin note’ thu ngaih ding Pasian mai-ah a kilawm zaw hiam, kilawm lo zaw hiam cih note in thu na khen ta un.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hilo ahi hiam? Hih banga hong bawlna in bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na ten’pih na zi uh tawh na thuciamna uh na palsat khak loh nadingun kidawm un.

2 KUMPI NIHNATE 8:27

Amah in zong Ahab’ innkuante’ makpa ahih manin Ahab’ innkuante’ gamtatnasa bangin Topa’ muhna ah a sia gamta a, Ahab’ innkuante’ lampi mah tawn hi.

2 KHANG TANGTHU NIHNATE 22:2

Ahaziah in uk ding a kipatin kum sawmli-le-nih pha a, Jerusalem ah kum khat sung uk hi. Ama nu’ min in Athaliah hi a, Omri’ tanu ahi hi.

2 KHANG TANGTHU NIHNATE 22:4

Ahab innkuan mah bangin Topa’ muhna ah a sia gamta hi; bang hang hiam cih leh a pa’ sih khit ciangin ama siatna dingah thulamlakte in amaute ahi uh hi.

2 KHANG TANGTHU NIHNATE 28:2

Israel kumpite’ khekhap zui hi. Amah in a kisung milimte nangawn Baalte’ adingin bawl hi;

2 KHANG TANGTHU NIHNATE 24:7

Bang hang hiam cih leh tua a gilo numei Athaliah leh a pawlte in Pasian’ inn luh uh hi; Topa’ inn-a om a ki-ap nate khempeuh zong Baalte’ adingin zang uh hi.

2 KHANG TANGTHU NIHNATE 24:17

Jehoiada a sih khit ciangin Judah uliante hong pai-in amau’ thu a zuih nadingin kumpipa tungah thu va gen uh a, kumpipa in zong amaute’ thu ngai hi.