2 KHANG TANGTHU NIHNATE 21:8 - Tedim Bible

⁸ Ama hun sungin Judah ukna panin Edom leengkhia-in amau’ kumpi tuam phuan uh hi.

Tedim Bible Revision 2017

⁸ Ama hun sungin Judah ukna panin Edom leng khia-in amauʼ kumpi tuam a koih uh hi.

2 KHANG TANGTHU NIHNATE 21:8 Referans Kwoze

2 KHANG TANGTHU NIHNATE 21:10

Tua ahih ciangin tuni dongin Judah ukna panin Edom lengkhia hi. Jehoram in a pu a pate’ Pasian, Topa nusia ahih manin, tua hun lai takin Libnah zong ama ukna panin lengkhia hi.

2 KUMPI NIHNATE 3:9

Tua ahih ciangin Judah kumpipa leh Edom kumpipa tawh Israel kumpipa pai hi. Amaute ni sagih sung a kual paikhit uh ciangin galkapte hita leh amaute a zui ganhingte’ ading hita leh tui om lo hi.

1 KUMPI MASATE 22:47

Edom ah kumpi om lo hi; Judah kumpipa khut nuai-a a huhpa khat in uk hi.

Piancilna 27:40

Na namsau tawh nang na nungta ding a, na sanggampa’ na na sem ding hi; ahih hangin nangmah in na langpan’ ciangin na ngawng panin ama' hakkol na sutan ding hi,” ci hi.

2 KHANG TANGTHU NIHNATE 21:9

Tua ciangin ama nuai-a a ukte leh a leengte khempeuh tawh Jehoram galkah a, zanin amah tho-in amah leh a leeng ukte a umcih Edom mite vat hi.

2 KHANG TANGTHU NIHNATE 28:17

Bang hang hiam cih leh Edom mite in Judah sim kikin zo uh a, galmatin puakhia uh hi.