2 KHANG TANGTHU NIHNATE 21:2 - Tedim Bible

² Jehoshafat’ tapa ama sanggam pasalte in: Azariah, Jehiel, Zekhariah, Azariah, Mikhael, leh Shefatiah ahi uh hi; hihte khempeuh in Judah kumpipa Jehoshafat’ tapate ahi hi.

Tedim Bible Revision 2017

² Jehoshafatʼ tapa Jehoramʼ sanggam pasalte: Azariah, Jehiel, Zekhariah, Azariah, Mikhael le Shefatiah ahi uh hi. Hihte khempeuh, Judah kumpi Jehoshafatʼ tapate ahi hi.

2 KHANG TANGTHU NIHNATE 21:2 Referans Kwoze

2 KHANG TANGTHU NIHNATE 24:5

Amah in siampite leh Levi mite khawmin amaute kiangah, “Judah khuapite ah pai un la, na Pasian uh inn a kum kumin puah nadingin Israel khempeuh tung panin sum khawm un; hih thu na nawh hih ding uh thei un,” a ci hi. Ahih hangin Levi mite kinawh lo uh hi.

2 KHANG TANGTHU NIHNATE 23:2

Tua ciangin amaute Judah gam sungah pai kawikawi-in Judah khuapite khempeuh panin Levi mite, leh Israel mi beh lutangte khawmin Jerusalem ah hong pai uh hi.

2 KHANG TANGTHU NIHNATE 12:6

Tua ciangin Israel uliante leh kumpipa kiniamkhiatin “Topa thuman hi,” a ci uh hi.

2 KHANG TANGTHU NIHNATE 35:18

Kamsang Samuel’ huna kipan tua bang Paisan Pawi Israel tungah kibawl ngei lo hi; Josiah, leh siampite leh Levi mite, leh tua lai-ah a om Judah leh Israel khempeuh, leh Jerusalem a, teeng mite in a bawl Paisan Pawi tawh a kibang, Israel kumpite kuamah in bawl lo hi.

2 KHANG TANGTHU NIHNATE 33:18

Tu-in Manasseh’ gamtatna a om laite, leh a Pasian’ tungah a thungetna, leh Israel Pasian, Topa’ min tawh ama tungah thu a gen thu-mu-te’ thungennate, en in, Israel Kumpite’ Khang Tangthu sungah om hi.

2 KHANG TANGTHU NIHNATE 28:27

Tua ciangin Ahaz si a, amaute in Jerusalem khuapi sungah vui uh hi; ahi zongin Judah kumpite tawh vui khawm lo uh hi. Tua ciangin a tapa Hezekiah in ama tangin uk hi.

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

2 KHANG TANGTHU NIHNATE 28:19

Judah kumpipa Ahaz in Judah mite tungah kihihsakna tawh gamta-in Topa’ tungah citak lo ahih manin ama hangin Topa in Judah mite niam koih hi.

2 KHANG TANGTHU NIHNATE 24:16

Amah in Israel sung, leh Pasian’ na leh Pasian’ innah nasep hoih sem ahih manin amaute in David khuapi sung kumpite lakah amah vui uh hi.

2 KHANG TANGTHU NIHNATE 21:4

A pa’ kumpi tokhom ah Jehoram kahin a kip ciangin namsau tawh a sanggam pasal khempeuh that a, Judah ulian pawlkhat zong that hi.