2 KHANG TANGTHU NIHNATE 21:15 - Tedim Bible

¹⁵ na natna hangin a ni ni-in na gil a tolhkhiat dongin, nangmahmah in gilnatna lianpi khat na nei ding hi,’ ci hi,” a ci hi.

Tedim Bible Revision 2017

¹⁵ na natna hangin a nini-in na gil a tolhkhiat dongin, nang mahmah in gilnatna lianpi khat na nei ding hi,’ ci hi,” a ci hi.

2 KHANG TANGTHU NIHNATE 21:15 Referans Kwoze

Sawltak 1:18

(Tua pa in a gilohna thaman tawh lo khat a lei khit ciangin, a bungbu-in kia a, a gilpi kitamin a gil khempeuh a buakhia hi.

Late 109:18

amah in puan bangin samsiatna silh hi; tua pen ama pumpi sungah tui bangin, a guhte sungah sathau bangin lutin kizel ta hen!

Thu-hilhkikna 28:67

Na lungsim un a kihtak launa leh na mit un a muh ding nate hangin, zingsangin, ‘Nitak hi leh! na ci ding uh a, nitakin, ‘Zingsang hi leh!’ na ci ding uh hi.

Thu-hilhkikna 28:61

Note na siat matengun hih thukham laibu sungah a kiciamteh lo natna leh gimna khempeuh zong, Topa in no tungah hong tung sak ding hi.

Thu-hilhkikna 28:59

Topa in note leh na suan na khakte uh tungah nasia-in sau vei a om gimna, gimna a tuandiak, leh a nasia, nat saute hong tungsak ding hi.

Thu-hilhkikna 28:37

Topa in note hong paikhiatpihna mite lakah a cikzet-huai, paunak, leh ciamnuihna na suak ding uh hi.

Thu-hilhkikna 28:27

Topa in note na damkik theih lohna uh Izipt meimatumte, leh meima daite leh meima lip neite leh cithak tawh note hong vatgawp ding hi.

Gamlak-vakna 5:27

Amah in a tui a dawnsak khit ciangin, tua nu amahmah kininsakin a pasal tungah thuman loin gamta ahih leh, tua tuisia in ama sungah tumin na sak velval ding a, a pumpi pawm-in, a pheipi teem ding a, tua numei in a mite lakah hamsiatna-in kizang ding hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

2 KHANG TANGTHU NIHNATE 21:14

en in, na mite, na tate, na zite, leh na neih khempeuh tungah Topa in gimna lianpi khat hong tungsak ding a,