2 KHANG TANGTHU NIHNATE 21:11 - Tedim Bible

¹¹ Tua tham loin amah in Judah mual tung gamah mual dawn a, biak piaknate bawl a, Jerusalem a, teeng mite citak loin om sak a, Judah mite lam pial sak hi.

Tedim Bible Revision 2017

¹¹ Tua tham loin amah in Judah mual tung gamah mual dawna biakpiaknate bawl a, Jerusalem-a teeng mite citak loin omsak a, Judah mite lam pialsak hi.

2 KHANG TANGTHU NIHNATE 21:11 Referans Kwoze

Siampi Laibu 20:5

keimah in tua mipa leh ama innkuanpihte maisiatin, amah leh Molek biakna ah amah a zuite khempeuh amau’ mite lak panin ka hawlkhia ding hi.

1 KUMPI MASATE 11:7

Tua ciangin Solomon in Jerusalem nisuahna lam mual tungah Moab mite’ aa ahi, a kihhuai Khemosh leh Ammon mite’ aa ahi a kihhuai Molek adingin mual tunga biakna khat lam hi.

Siampi Laibu 17:7

Tua ahih ciangin amaute in a biak uh keel milimte adingin amau’ biakpiaknate go nawn lo ding uh hi. Hih in amau’ khang tawntungin amaute tungah ngeina kip khat hi ding hi.

Habakkuk 2:15

Na hehna uh tawh na gam vengte uh niamkhiatin na mindaisak uh a, zukham bangin amaute hoisak na hih manun, gimna na ngah ding uh hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Late 106:39

Tua ahih ciangin amau sepna tawh amaute a nin suak uh a, amau gamtatnate tawh palhngulhna a bawl uh hi.

Late 78:58

Bang hang hiam cih leh amaute in amau’ munsangte tawh amah a sinso nadingin phin uh a, amau’ milim bawlte tawh ama hazat nading piangsak uh hi.

2 KHANG TANGTHU NIHNATE 33:9

Manasseh in Judah leh Jerusalem a, tengte zol ahih manin, Israel mite’ mai-ah Topa in a suksiat minamte sangin amaute in a sia tamzaw gamta uh hi.

2 KHANG TANGTHU NIHNATE 21:13

Israel kumpite’ lampi tawnin, Ahab innkuan in cihtak lohna ah Israel a paipih bangin Judah leh Jerusalem a, teeng mite cihtaklohna ah na paipih a, nang sangin a hoihzaw, na pa’ innkuan sung panin na sanggam pasalte zong na that hi;

2 KUMPI NIHNATE 21:11

“Judah kumpipa Manasseh in hih a kihhuai nate gamta a, ama ma-a Amor mite’ gamtatna sangin a siazaw-in na semin a milimte tawh Judah mite zong khialsak khin hi;

2 KUMPI NIHNATE 9:22

Joram in Jehu a muh ciangin amah in, “Jehu aw, thuhoih ahi hiam?” a ci hi. Amah in dawngin, “Na nu Jezebel’ paktatnate leh aisannate tua zahin a tam lai teng bang thuhoih om thei ding ahi hiam?” a ci hi.

1 KUMPI MASATE 14:16

Tua ciangin ama khialhna leh Israelte a khialhsakna ahi Jeroboam’ khialhna hangin amah in Israel nusia ding hi,” a ci hi.

1 KUMPI MASATE 14:9

nangmah in na mai-a om mite khempeuh sangin siatna bawl zaw-in, pai-in pasian dangte leh a kisung milimte nang adingin bawlin ka heh nadingin nong phin a, na nung lamah kei nong paai hi;

2 KHANG TANGTHU NIHNATE 21:10

Tua ahih ciangin tuni dongin Judah ukna panin Edom lengkhia hi. Jehoram in a pu a pate’ Pasian, Topa nusia ahih manin, tua hun lai takin Libnah zong ama ukna panin lengkhia hi.

Paikhiatna 34:16

note in amau’ tanute na tapate uh zi dingin la in, amau’ tanute in amau’ pasiante’ nungah paktatna bawlin, amau’ pasiante’ nungah na tapate uh paktatna bawlsak kha ding uh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi; nang’ om nawn loh ciangin hih mite in a paina uh mite lakah a gam sung pasiante tawh paktat ding uh a, amaute in kei hong nusia in amaute tawh ka bawl ka thuciamna uh siasak ding uh hi.

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Ezekiel 23:11

“A nau nu Oholibah in hih thu thei napi-in, a u nu Oholah sangin zong a sia zaw, a suk zaw-in paktat lai hi.

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.