2 KHANG TANGTHU NIHNATE 20:7 - Tedim Bible

⁷ Kote’ Pasian aw, hih gamah a teeng mite na mi Israelte’ mai-ah hawlkhia-in, na lawmpa Abraham’ suan leh khakte tungah a tawntung dingin pia hilo na hi hiam?

Tedim Bible Revision 2017

⁷ Koteʼ Pasian aw, hih gamah a teeng mite na mi Israel-teʼ mai ah hawl khia-in, na lawmpa Abrahamʼ suanlekhakte tungah a tawntung dingin pia hi lo na hi hiam?

2 KHANG TANGTHU NIHNATE 20:7 Referans Kwoze

Jeim 2:23

‘Abraham in Pasian um a, ama upna in amah adingin dikna-in kiciamteh hi,’ ci-in a genna a kicing tham loin, ‘Pasian’ lawmpa,’ hi,’ cihna zong a ngah hi.

Isaiah 41:8

Ahih hangin, nang, ka nasempa Israel, ka lawmpa Abraham’ suan leh khak, kong teelsa Jakob aw,

Late 44:2

Na khut tawh minam dangte na hawlkhia a, ahih hangin amaute na phut hi; midangte na sugawp a, ahih hangin amaute na suakta sak hi;

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Nehemiah 9:8

Nangma tungah amah a cihtakna na mu a, Kanaan mite gam, Hit mite gam Amor mite gam, Perez mite gam, Jebus mite gam, leh Girgash mite gam, amah leh a suan leh khakte tungah piak dingin ama tungah thuciamna khat na bawl hi. Nangmah thuman na hih manin na thuciamna na tungsak hi.

Joshua 24:3

Tua ciangin Gungal panin na pa uh Abraham la-in Kanaan gam khempeuhah ka paipih a, a suan-le-khakte tampi ka pha sak hi. Ama tungah Isaak ka pia hi;

Piancilna 13:15

bang hang hiam cih leh na muh gam khempeuh nang leh na suan-le-khakte’ tungah kong pia paisuak ding hi.

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

Paikhiatna 33:2

Note’ mai-ah vantungmi khat ka sawl ding a, Kanaan mite, Amor mite, Hit mite, Perez mite, Hiv mite leh Jebus mite ka hawlkhia ding hi.

Johan 11:11

Tua thu amah in gen a, tua nung ciangin Zeisu in, “I lawmpa Lazaras ihmu-in a om hi. A phong dingin ka pai ding hi,” a ci hi.

Paikhiatna 20:2

“Keimah in salsuahna, Izipt leitang panin nang a hong paikhiatpih Topana Pasian ka hi hi.

Paikhiatna 6:7

keima' mi dingin note kong la ding a, keimah in note’ Pasian ka hi ding hi; Izipt mite’ vangik nuai panin note a hong paikhiatpihpa, Topa na Pasian uh ka hihna note in na thei ding uh hi.

Piancilna 17:7

Nang leh nang’ khit cianga na suan-le-khakte' tungah Pasian ka hihna ding tawntung thuciam nadingin kei leh nang leh nang’ khit cianga na suan-le-khakte’ kikal-ah amau' khang tawntungin ka thuciamna ka kipsak ding hi.

Johan 15:15

Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Joshua 24:13

Note in na seploh uh leitang, na satloh uh khuapite, note tungah kong pia a, tuate sungah na teeng uh hi; na suanloh uh leenggui lo pan a gah leh oliv huan pan a gah na ne uh hi.’

2 KHANG TANGTHU NIHNATE 20:8

Amaute hih gamah teengin nangma min dingin hih lai-ah biakinn khat lam uh a,

Late 80:8

Nangmah in, Izipt panin leenggui khat na la a, minamte hawlkhia-in, tua leenggui na suan hi.

Thu-hilhkikna 4:38

note sangin a tamzaw leh a vanglian zawte’ gamah hong paipihin, note’ luah dingin amau’ leitang hong piak nadingin note mai-ah amaute hong hawlkhiat sak ahih manin tu ni-in hih bangin na om thei uh hi;

Joshua 1:6

Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Joshua 23:9

Bang hang hiam cih leh Topa in note mai-ah a lian a tha-hat minamte hawlkhia hi; note ahih leh tu ni dongin mi khat beek in hong nang zo lo hi.

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.