2 KHANG TANGTHU NIHNATE 20:6 - Tedim Bible

⁶ “Topa, ka pu ka pate uh Pasian aw, nang vantungah Pasian hilo na hi hiam? Minamte’ kumpigam khempeuh tungah nang in uk hilo na hi hiam? Na khut sungah vangliatna leh thahatna om a, kuamah in nang hong nang zo lo hi.

Tedim Bible Revision 2017

⁶ “Topa, ka pu ka pate uh Pasian aw, nang, vantungah Pasian hi lo na hi hiam? Minamteʼ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.

2 KHANG TANGTHU NIHNATE 20:6 Referans Kwoze

Thu-hilhkikna 4:39

tua ahih ciangin tunga om vantung hita leh nuai-a om leitung hita leh ah Topa in Pasian a hihna thu tu ni-in na thei un la, na lungsim uhah ciamteh un; kuamah dang om lo hi.

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Late 47:8

Minamte tungah Pasian maang hi; a tokhom siangtho tungah Pasian tu hi.

Sawltak 11:17

Tua ahih ciangin eite in Topa Zeisu Khazih’ thu i up ciangin Pasian in thupha hong piak mah bangin Pasian in tuate a piak leh, Pasian a nial dingin kei kua ka hi hiam?” ci-in Piter in a gen hi.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Late 115:3

Vantungah eite’ Pasian om a, ama ut peuhpeuh a hih hi.

1 KUMPI MASATE 8:23

amah in, Israel Pasian, Topa aw, tunga om vantungah ahi a, nuai-a om leitungah ahi zongin, nangma mai-ah a lungsim khempeuh uh tawh a pai, na nasemte tungah thuciamna lenin itna kip a lak, nang tawh a kibang Pasian om lo hi;

Joshua 2:11

Tua thu ka zak phetun lungsim kitam zanin, ka lungsim uh bei a, note’ hangin mite’ lungsimah han’na bei hi; bang hang hiam cih leh Topa na Pasian un tunga om vantung leh nuai-a om leitungah Pasian ahi hi.

Late 62:11

Pasian in khatvei thu gen khin hi, ke’n hih thu nihvei za khin ing; vangliatna in Pasian’ neihsa ahi hi;

Late 47:2

Bang hang hiam cih leh Topa, a Sang Penpa, dipkuat-huai-a, leitung khempeuhah kumpi lian khat ahi hi.

1 KHANG TANGTHU MASATE 29:18

Ka pute uh Abraham, Isaak, leh Israel Pasian, Topa aw, na mite’ lungsim sungah tua bang ngimnate leh ngaihsutnate omsak tawntung in la, amaute’ lungsim nangma lamah kai in.

Paikhiatna 3:6

Tua ciangin amah in, “Keimah in na pa’ Pasian, Abraham’ Pasian, Isaak’ Pasian, leh Jakob’ Pasian ka hi hi,” ci hi. Moses in ama' maitang hum hi, bang hang hiam cih leh Pasian a et ding amah lau hi.

ROM (Romans) 9:19

“Tua bang ahih ciangin, ‘Pasian in bang hangin ko hong mawhsak lai hiam? Kua in a deihna a khamsak hiam’” ci-in keimah hong dong ding na hi uh hi.

2 KHANG TANGTHU NIHNATE 20:5

Tua ciangin Topa’ inn sung, inntual thak mai, Judah leh Jerusalemte’ kikhopna sungah Jehoshafat ding a,

2 KHANG TANGTHU NIHNATE 25:8

Ahih hangin hih bang lam-a hihna tawh galdona ah thahat dingin kingaihsun kha na hih leh, Pasian in galte mai-ah nang hong paai ding hi; bang hang hiam cih leh Pasian in huh nading ahi a, paihna ding ahi zongin vangliatna nei hi,” a ci hi.

Late 54:1

Pasian aw, nangma min tawh kei hong hon in la, na vaang tawh ka dikna kilangsak in.

Isaiah 14:27

Vanglianpen Topa in ngim khin ahih manin kua in phiat zo ding ahi hiam? Ama khut kizan khin hi, kua in kaiton kik zo ding ahi hiam?

1 KUMPI MASATE 8:30

Tua ciangin amaute in hih mun lamah hong nget uh ciangin na sempa leh na mi Israelte’ hong thuumna ngai in; hi hi, na ten’na mun vantungah na za hi; na zak ciangin na maisak hi.

2 KHANG TANGTHU NIHNATE 5:14

meii hangin siampite in na sem zo lo uh hi; bang hang hiam cih leh Topa’ minthan’na in Pasian’ inn sung a dim hi.

2 KHANG TANGTHU NIHNATE 6:14

tua ciangin, “Israel Pasian, Topa aw, vantungah ahi a, leitungah ahi zongin thuciamna lenin a lungsim khempeuh uh tawh nangma thu hong mang na nasemte tungah itna kip a lak, nang tawh a kibang Pasian om lo hi;

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Jeremiah 49:19

En un, lonona a, nuam taka om tuute, Jordan gam tuulak pan a, a hong paito humpi in a delhmang bangin keimah in amaute a gam uh nusia-in thakhat thu-in ka tai mangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam?