2 KHANG TANGTHU NIHNATE 20:11 - Tedim Bible

¹¹ en in, ka luah dingun kote tungah nong piaksa nangma neihsa panin kote hawlkhia dingin hong paina tawh amaute in kote hong lehthuk zawsop uh hi.

Tedim Bible Revision 2017

¹¹ ka luah dingun kote tungah nong piak sa nangma neihsa panin kote a hong hawl khia dingin hong paina tawh amaute in kote hong leh thuk zawsop uh hi.

2 KHANG TANGTHU NIHNATE 20:11 Referans Kwoze

Jeremiah 18:20

Hoihna pen siatna tawh a kituak ding mah ahi hiam? Ka kiat nadingin dum a to uh hi. Nangma mai-ah kong ding a, amau ading thuhoih kong gensak a, na hehna amau tungah na tun’sak loh nading kong gennate hong phawk in.

Paunak 17:13

Thuhoih kimlai thusia tawh a thukte’ inn sungah, cik mahin thusia veng cih om ngei lo hi.

Late 35:12

Amaute in hoihnate siatna tawh kei tungah hong thuk uh a, ka khawngai mahmah hi.

Late 7:4

thu om lopi-in ka lawmte kheemin, ka galte ka huh tak leh,

Piancilna 44:4

Amaute a pai khit, ahih hangin khuapi panin a nai lai-in, Josef in ama' inn sung nasempa' kiangah, “Kithawi in la, mite va delh in; amaute na phak ciangin amaute' kiangah, ‘Bang hangin a hoih pen a sia tawh hong thuk na hi uh hiam? Bang hangin ka ngun hai gu na hi uh hiam?

2 KHANG TANGTHU NIHNATE 20:12

Kote’ Pasian aw, amaute’ tungah thu khen lo ding na hi hiam? Bang hang hiam cih leh kote do dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Thu-hilhkikna 4:38

note sangin a tamzaw leh a vanglian zawte’ gamah hong paipihin, note’ luah dingin amau’ leitang hong piak nadingin note mai-ah amaute hong hawlkhiat sak ahih manin tu ni-in hih bangin na om thei uh hi;

Joshua 1:6

Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.