2 KHANG TANGTHU NIHNATE 20:10 - Tedim Bible

¹⁰ Tu-in en in, Izipt gam panin Israelte hong paikhiat lai-in na simsak loh, amaute in pelhin a suksiat loh uh Ammon mite leh Moab mite leh Seir Mual gam mite—

Tedim Bible Revision 2017

¹⁰ “Tu-in en in, Egypt gam panin Israel-te hong paikhiat lai-in na simsak loh, amaute in a suksiat loh uh Ammon mite le Moab mite le Seir Mual gam mite,

2 KHANG TANGTHU NIHNATE 20:10 Referans Kwoze

Thu-hilhkikna 2:19

Ammon mite leitang khat zong na neih dingun hong pia lo ding ka hih manin, Ammon mite’ gamgi na nai uh ciangin amaute gimsak kei un la, amaute tawh kido kei un, bang hang hiam cih leh a neih dingun Lot’ suan leh khakte tungah ka pia ding hi.

Thu-hilhkikna 2:9

Topa in kei kiangah, ‘Amau leitang na neih dingun note tungah hong pia lo ding ka hih manin Moab mite simsak kei un la, amaute tawh gal-in kido kei un, bang hang hiam cih leh a neih dingun Lot’ suan leh khakte tungah Ar khua ka pia zo hi,’ hong ci hi.

2 KHANG TANGTHU NIHNATE 20:1

Hih thu khit ciangin Moab mite leh Amon mite, leh Meunim mite pawlkhat in Jehoshafat a sim dingin hong kuan uh hi.

2 KHANG TANGTHU NIHNATE 20:22

Amaute in la sa-in phat ding a kipat uh ciangin, Judah mite do dingin a hong pai Ammon mite, Moab mite, leh Seir Mual gam mite a pangsim ding Topa in koih a, amaute kizo hi.

Late 83:6

Edom mite leh Ishmael mite, Moab leh Hagri mite,

Late 83:7

Gabal, Ammon leh Amalek mite, Filistia leh Tai-ar khua-a teeng mite tawh thuciam bawl uh hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.