2 KHANG TANGTHU NIHNATE 2:4 - Tedim Bible

⁴ En in, Israelte’ adingin a tawntung ading a kikipsaksa bangin, ama mai-ah a namtui nate ahi paknamtui hal nading leh Ompihna Anlum piak tawntung nading, leh sabbath nite leh khadet nite leh Topa i Pasian’ adingin a kisehsa pawi nite-in zing leh nitakin meihal biaknate piak nadingin Topa ka Pasian’ minin inn khat lamin ama tungah a ap ding ka hi hi.

Tedim Bible Revision 2017

⁴ En in, Israel-te adingin a tawntung ading a kikipsak sa bangin, ama mai ah a namtui nate ahi paknamtui hal nading le Ompihna Anlum piak tawntung nading le Sabbath nite, Khadet nite le Topa koteʼ Pasian adingin a kiseh sa pawi nite-in zing le nitakin meihal biaknate piak nadingin Topa ka Pasianʼ minin biakinn khat lamin ama tungah a ap ding ka hi hi.

2 KHANG TANGTHU NIHNATE 2:4 Referans Kwoze

Paikhiatna 30:7

Aaron in tua tungah a namtui paknamtui hal ding hi; amah in zingsang simin meivakte a puah ciangin hal ding hi,

Paikhiatna 25:30

Keima' mai sabuai tungah Ompihna Anlum na koih tawntung ding hi.

2 KHANG TANGTHU NIHNATE 2:1

Tu-in Solomon in Topa’ min dingin biakinn khat leh ama adingin kumpi inn khat lam ding sawm hi.

1 KUMPI MASATE 8:63

Solomon in thunuam-a biakna-in Topa tungah bawngtal tul sawmnih leh tul nih leh tuu tul za khat leh tul sawmnih pia hi. Tua ahih ciangin kumpipa leh Israel in mi khempeuh in Topa’ inn ap uh hi.

1 KUMPI MASATE 8:18

Ahih hangin Topa in ka pa David kiangah, ‘Keima min dingin inn khat lam ding na lungsim sungah a omna thu-ah, tua banga na lungsimah a om hoih mahmah hi;

1 KUMPI MASATE 5:5

Tua ahih ciangin Topa in ka pa David kiangah, ‘Nangma taangin na kumpi tokhom tungah ka koih ding na tapa in ka min dingin inn lam ding hi,’ a cih mah bangin Topa ka Pasian’ min dingin inn khat lam ka sawm hi.

2 KHANG TANGTHU NIHNATE 13:11

Amaute in Topa’ tungah zing leh nitak simin meihal biaknate leh a namtui nate ahi paknamtui pia a, kham citak sabuai tungah Ompihna Anlum koihin, nitak simin a meivakte a kuan’ nadingin kham meivakkhuamte don uh hi; bang hang hiam cih leh kote in Topa ka Pasian uh hong sawlnate ka zui uh a, ahih hangin note in amah na nusia uh hi.

1 KHANG TANGTHU MASATE 22:5

Bang hang hiam cih leh David in, “Ka tapa Solomon khangno-in pumpi tawh sinna om nai lo a, Topa’ adingin a kilam ding inn in gam khempeuh ah minthan’na leh pahtawina ah alian mahmah ding ahi hi; tua ahi ciangin keimah in tua inn dingin ka kiging khol ding hi,” a ci hi. Tua ahih ciangin David in a sih ma-in na tampi tak koih khol hi.

Late 86:8

Topa aw, pasiante lakah nang tawh a kibang kuamah om lo a, nangma’ sep bang, kuamah in sem thei lo hi.

Late 96:4

Bang hang hiam cih leh Topa lian a, nakpi tak-a phat ding ahi hi; pasian dangte khempeuh sangin amah zahtak zawk ding ahi hi.

Paunak 7:20

Amah in sum tampi keng a, nipi kal nih bang mateng hong tung lo ding hi,” a ci hi.