2 KHANG TANGTHU NIHNATE 19:7 - Tedim Bible

⁷ Tu-in note in Topa zahtak un la, na hihnate uhah kingaihsun un. Bang hang hiam cih leh Topa i Pasian in thuman hei khiatna, mi deidanna, leh sumgolh laknate deih lo hi,” a ci hi.

Tedim Bible Revision 2017

⁷ Tu-in note in Topa zahtak unla, na hihnate uh ah kingaihsun un. Bang hang hiam cih leh Topa i Pasian in thuman hei khiatna, mi deidanna le sumgolh laknate deih lo hi,” a ci hi.

2 KHANG TANGTHU NIHNATE 19:7 Referans Kwoze

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

ROM (Romans) 2:11

Bang hang hiam na cih uh leh, Pasian in kuama maitang a zahtak kei hi.

ROM (Romans) 9:14

Tua bang ahih leh, bang i ci gen ding hiam? Pasian in thuman lo bawlpa ahi, i ci ding hiam? Tua bang i ci zenzen kei ding hi.

Kolose 3:25

Bang hang hiam na cih uh leh, dik lo-a gamta mi in ama hihna mawhna a thuak ding hi. Kuama maitang zahtakna a om kei ding hi.

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.

JOB (Job) 34:19

Pasian pen mi khempeuh a piangsakpa hi a, amah in uliante panpih tuan lo a, mizawngte sangin mihaute thupi ngaihsut zaw tuan lo hi.

Paikhiatna 23:8

Sumgolh na la kei ding uh hi, bang hang hiam na cih leh sumgolh in uliante mit tawsak a, thuman mite’ thu hei khiatsak hi.

Efesa 6:9

Tote aw, tawn’na om loin na silate uh tungah tua bangin na bawl un. No leh amau Topa in vantungah om a, amah in kuama maitang zahtak lo hi cih na thei un.

Galati 2:6

Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Isaiah 33:15

Thuman in gamta-in thutang na gen uh leh na suakta ding uh hi. Na vangliatna uh mizawngte khemna-in zang kei un la, sumgolh deih kei un. Mi that ding a vaihawmte’ thu ngai loin siatna lang khatah mit si un.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Piancilna 42:18

A ni thum ni-in Josef in amaute' kiangah, “Keimah in Pasian zaktak ka hih manin hih bangin gamta un, tua hi leh na nungta ding uh hi:

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

JOB (Job) 8:3

Pasian in thutang zang lo ahi hiam? Vanglianpa in thuman zang lo ahi hiam?

1 SAMUEL MASA 11:7

Amah in bawngleeng kap khat la a, tuate sem nenin kamtaite sawlin Israel gam khempeuhah khakin, “Saul leh Samuel’ nung zui-in a kuankhia lo peuhmah a bawngtalte tungah hih bangin kihih ding hi,” ci-in gen hi. Tua ciangin mite tungah Topa kihtakna hong tung a, mihing khat bangin amaute hong kuankhia uh hi.

JOB (Job) 13:10

A simthamin angvanna na zat uh leh amah in note hong taai taktak ding hi.

Late 82:2

“Note in bang tanvei amaan loin thu khenin, migilote tungah angvanna zang ding na hi uh hiam?