2 KHANG TANGTHU NIHNATE 19:3 - Tedim Bible

³ Ahi zongin nang na hoihna khat om hi; bang hang hiam cih leh nangmah in gam sung panin Asherah milimte susia-in Pasian zon’ ding na lungsimah na ngaihsun hi,” a ci hi.

Tedim Bible Revision 2017

³ Ahi zongin nang na hoihna pawl khat om hi; bang hang hiam cih leh nangmah in gam sung panin Asherah milimte nusia-in Pasian zon ding na lungsimah na ngaihsun hi,” a ci hi.

2 KHANG TANGTHU NIHNATE 19:3 Referans Kwoze

2 KHANG TANGTHU NIHNATE 12:12

Amah in a kiniamkhiat ciangin siat cimitna a pian’ loh nadingin ama tung panin Topa’ hehna kiheikhia hi; tua tham loin Judah gam sungah thu-paizia zong hoihsak hi.

Ezra 7:10

Bang hang hiam cih leh Ezra in Topa’ thukham a sin ding, a zui ding, leh Israel mite a hilh dingin amah kipia hi.

1 KUMPI MASATE 14:13

Tua ciangin Israel khempeuh ama hangin kapin vui ding uh hi; bang hang hiam cih leh Israel Pasian, Topa tungah a lungkimhuai na khat Jeroboam innkuan sung panin ama tungah kimu ahih manin Jeroboam sung panin amah bek hanah pai ding hi.

2 KHANG TANGTHU NIHNATE 30:19

biakinn siangthona ngeina om bangin a sian’ loh uh hangin lungsim tak tawh nang hong biate khempeuh’ mawhna maisak in,” a ci hi.

2 KHANG TANGTHU NIHNATE 12:14

Amah in Topa zon’ ding a lungsim ah koih lo ahih manin a sia gamta hi.

ROM (Romans) 7:18

Ka sa ahi ka pum sungah a pha khat beek a om kei hi cih ka thei hi. Bang hang hiam na cih leh, a pha gamtat nopna lungsim ka neih hangin a pha gamtat theih nading ka mu kei hi.

Late 57:7

Ka lung muang hi, Pasian aw, ka lung muang hi! La ka sa ding a, nakpi takin ka sa ding hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

2 KHANG TANGTHU NIHNATE 20:33

Ahi zongin mual dawn a, biakpiaknate kilakhia lo hi; mite in a lungsim uhah a pu a pate uh’ Pasian ngaihsun nai lo uh hi.

2 KHANG TANGTHU NIHNATE 11:16

Tua ciangin Israel’ Topa Pasian zon’ ding a lungsim uhah a khentat khin mite in amau’ pute pate Pasian, Topa tungah biakna pia dingin Israel minam khempeuh sung panin amau’ nung zui-in Jerusalem ah hong pai uh hi.

2 KHANG TANGTHU NIHNATE 15:12

Tua ciangin a lungsim khempeuh uh leh a nuntakna khempeuh uh tawh a pu a pate uh’ Pasian, Topa a zon’ nading uh,

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong a, tua ciangin amaute in amah mu uh a, Topa in a kiim uhah amaute gal daihna pia hi.

2 KHANG TANGTHU NIHNATE 22:9

Amah in Ahaziah zong a, Samaria ah a buk lai takin amah kiman a, tua ciangin Jehu kiangah amah kipai pihin kithat hi. Amaute in amah vui uh hi; bang hang hiam cih leh amaute in, “Amah in, a lungsim khempeuh tawh Topa a zong Jehoshafat’ tupa ahi hi,” a ci uh hi. Tua ciangin Ahaziah innkuante in kumpigam a uk zo ding mi khat zong nei nawn lo uh hi.

2 KHANG TANGTHU NIHNATE 27:6

Tua ahih ciangin Topa a Pasian’ mai-ah Jotham a va hoih tatna hangin a vang lian hi.