2 KHANG TANGTHU NIHNATE 19:10 - Tedim Bible

¹⁰ a khuapi uhah a teeng na sanggamte uh tung panin mi kithahna thu, thukham ahih kei leh thupiakna, upadi ahih kei leh biakna ngeina kipte tawh kisai-in thu khatpeuh peuh no tungah hong tun’ ciangin, amaute in Topa’ mai-ah mawhna a pian’sak loh nading leh note leh na sanggamte uh tungah hehna hong tun’ loh nadingin amaute na hilh ding uh hi. Tua bangin na gamta ding uh a, mawhna na piangsak kei ding uh hi.

Tedim Bible Revision 2017

¹⁰ A khuapi uh ah a teeng na sanggamte uh tung panin mi kithahna thu, thukham ahih kei leh thupiakna, upadi ahih kei leh biakna ngeina kipte tawh kisai-in thu khat peuhpeuh note tungah hong tun ciangin, amaute in Topaʼ mai ah mawhna a piansak loh nading le note le na sanggamte uh tungah hehna hong tun loh nadingin amaute na hilh ding uh hi. Tua bangin na gamta ding uh a, mawhna na piangsak kei ding uh hi.

2 KHANG TANGTHU NIHNATE 19:10 Referans Kwoze

1 THESALONIKA MASA 5:14

Ute naute aw, thadah zulhtat mite a kikep nadingun na hilh un, lungsim zawmte na hansuah un, thanemte na huh un, mi khempeuh tungah na lungduai un.

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.

Ezekiel 33:6

Ahi zongin galvilpa in galte hong pai mu napi-in patau kohna peengkul a tum kei a, galte hong pai-in mi a thah leh, tua a site amau’ mawhna hangin a si ahi hi. Ahi zongin amaute’ sihna sisan pen galvilpa ka ngawh ding hi.

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

Gamlak-vakna 16:46

Moses in Aaron kiangah, “Na paknamtui beel la-in, biakna tau pan-a mei a sungah koih in la, a tungah paknamtui koihin, mihonte lakah paipih mengmeng in la, amaute’ adingin kilemna bawlsak in; bang hang hiam cih leh Topa kiang panin hehna hong paikhia khin a, gimna kipan khin hi,” a ci hi.

2 KHANG TANGTHU NIHNATE 19:9

Tua ciangin amah in amaute thuhilh a: “Hih bangin Topa zahtakna, cihtakna, leh na lungsim khempeuh uh tawh na hih ding uh hi:

Ezekiel 3:17

“Ezekiel aw, Israel minamte’ galvilpa dingin nang kong koih hi. Nangma tungah ka hong gen hilhkholhnate khempeuh amaute tungah na gen sawn ding hi.

Paikhiatna 18:16

amaute in thu a neih uh ciangin kei' kiangah hong pai uh a, mi khat leh a vengpa' kikal-ah thu ka khen a, Pasian’ ngeina kipte leh ama' thukhennate amaute ka theisak hi,” a ci hi.

Gamlak-vakna 17:11

Tua mah bangin Moses in hih hi; Topa in amah a sawl bangin, amah in zong hih hi.

Thu-hilhkikna 21:5

Topa na Pasian un Levi mi siampite ama’ na a sem ding leh Topa’ min tawh thupha a pia dingin teel khin ahih manin amaute hong pai ding uh a, ki-thuneihna leh kitotna peuhmah amau’ thu tawh kiveng sak ding hi.