2 KHANG TANGTHU NIHNATE 18:5 - Tedim Bible

⁵ Tua ciangin Israel kumpipa in kamsangte mihing zali khawmin amaute kiangah, “Ramothgilead sim dingin kuanto ding i hi hiam, tua ahih kei leh thuak ding ka hi hiam?” a ci hi. Tua ciangin amaute in, “Kuanto in; bang hang hiam cih leh Pasian in kumpipa’ khut sungah hong pia ding hi,” a ci uh hi.

Tedim Bible Revision 2017

⁵ Tua ciangin Israel kumpipa in kamsangte mihing za li khawmin amaute kiangah, “Ramoth-gilead a sim dingin kuan to ding ka hi hiam, tua ahih kei leh thuak ding ka hi hiam?” a ci hi. Tua ciangin amaute in, “Kuan to in; bang hang hiam cih leh Pasian in kumpipaʼ khut sungah hong pia ding hi,” a ci uh hi.

2 KHANG TANGTHU NIHNATE 18:5 Referans Kwoze

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

2 TIMOTI NIHNA 4:3

Bang hang hiam cih leh, mite in thu hilhna pha mang loin, a bil uh thakin, amau deihgawhna bang thuhilh a tampi, amau ading a koih ding uh a,

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

2 KHANG TANGTHU NIHNATE 18:14

Kumpipa kiangah amah hong tun’ ciangin kumpipa in ama kiangah, “Mikaiah aw, Ramothgilead-ah galdo dingin kuan ding i hi hiam, tua ahih kei leh thuak ding ka hi hiam?” a ci hi. Tua ciangin amah in dawngin, “Kuanto in la, gual zo in; na khut sungah amaute hong kipia ding hi,” a ci hi.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam?” Na nu’ kamsangte leh na pa’ kamsangte kiangah pai in,” a ci hi. Ahih hangin Israel kumpipa in ama kiangah, “Hilo hi; Moab khut sungah a piak dingin hih kumpi thumte a sampa in Topa ahi hi,” a ci hi.

1 KUMPI MASATE 18:19

Tua ahih ciangin tu-in mi sawl in la, Karmel Mual kei kiangah Israelte khempeuh, leh Jezebel’ sabuai-ah an a ne Baal kamsang zali leh sawmnga leh Asherah kamsang zalite hong khawm in,” a ci hi.

1 KUMPI MASATE 4:13

Ramoth-gilead gam sungah Ben-geber (Amah in Gilead sunga om Manasseh’ tapa Jair’ khua neute leh Bashan sungah a om Argob gamsung, kulhpite leh sumngo zawlte a nei khuapi lian sawmguk nei hi);

2 KHANG TANGTHU NIHNATE 18:4

Tua ciangin Jehoshafat in Israel kumpipa kiangah, “Topa thu dong masa in,” a ci hi.

2 KHANG TANGTHU NIHNATE 18:6

Ahih hangin Jehoshafat in, “Eite in i dot theih ding Topa’ kamsang a dang hih lai-ah om lo ahi hiam?” a ci hi.

1 KUMPI MASATE 12:9

Amah in amaute kiangah, “‘Na pa in kote tungah hong koih hakkol zangsak in,’ kei tungah hong ci hih mite i dawn’ nading ngaihsutna hong bangci piak ding na hi uh hiam?” a ci hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.