2 KHANG TANGTHU NIHNATE 18:4 - Tedim Bible

⁴ Tua ciangin Jehoshafat in Israel kumpipa kiangah, “Topa thu dong masa in,” a ci hi.

Tedim Bible Revision 2017

⁴ Tua ciangin Jehoshafat in Israel kumpipa kiangah, “Topa thu dong masa ni,” a ci hi.

2 KHANG TANGTHU NIHNATE 18:4 Referans Kwoze

Jeremiah 21:2

“Kote adingin Topa’ kiangah thu hong dot sak in. Babilon kumpipa Nebukhadnezzar in hong sim hi. Topa in a nalamdangte khat kei tungah hong sem leh amah a kilehkik sak kha thei ding hi,” ci-in a dong sak hi.

2 SAMUEL NIHNA 5:23

David in Topa thu a dot ciangin, amah in, “Na kuanto kei ding hi; amaute’ nung lamah kual pai in la, lungli kungte gal panin amaute hih in.

2 SAMUEL NIHNA 5:19

Tua ciangin David in Topa thu dongin, “Filistiate do-in ka kuanto ding hiam? Keima khut sungah amaute na hong pia ding hiam?” a ci hi. Topa in David kiangah, “Kuanto in, bang hang hiam cih leh na khut sungah Filistiate kong pia taktak ding hi,” a ci hi.

2 SAMUEL NIHNA 2:1

Hih hun khit ciangin David in Topa thu dong a, “Judah khuapi khat peuhpeuhah ka paito ding hiam?” a ci hi. Topa in ama kiangah, “Paito in,” a ci hi. David in, “Koi pen-ah paito ding ka hi hiam?” a ci hi. Amah in, “Hebron ah,” a ci hi.

1 SAMUEL MASA 23:4

Tua ciangin David in Topa thu dong kik hi. Topa in amah dawngin, “Ding in, Keilah-ah paisuk in; bang hang hiam cih leh na khut sungah Fislistiate kong pia ding hi,” a ci hi.

1 SAMUEL MASA 23:2

Tua ahih ciangin David in Topa thu dongin, “Pai-in Filistiate ka sim ding hiam?” a ci hi. Topa in David kiangah, “Pai-in Filistiate sim in la, Keilah honkhia in,” a ci hi.

2 KHANG TANGTHU NIHNATE 34:26

Ahih hangin Topa thu a dong dingin note a hong sawl Judah kumpipa tungah hih bangin na gen ding uh hi. Israel Pasian, Topa in hih bangin ci hi: Na zaksa thute tawh kisai-in,

Ezekiel 20:3

“Ezekiel aw, Topa Pasian ahi keimah in amaute tungah ka gen, ‘Kei tungah thu a dong dingin hong pai na hi uh hiam? Keimah in a nungta Topa Pasian ka hih mah bangin note’ thudotin ka om het kei ding hi, ci-in gen in,’ hong ci hi.

Late 27:4

Topa’ tungah na khat ka ngen khin a, tua ngen-a ka zon’ ding pen: Topa’ inn sungah ka khan’ tawntungin om nading, Topa’ hoihna et ding leh ama biakinn sungah thu dot dingte ahi hi.

2 KHANG TANGTHU NIHNATE 18:3

Israel kumpipa Ahab in Judah kumpipa Jehoshafat kiangah, “Ramothgilead-ah kei tawh nong kuan ding hiam?” a ci hi. Amah in dawngin, “Keimah in nangmah bang ka hi a, ka mite in nangma mite mah bang ahi hi. Kote in galdona ah nang tawh kong kuan ding uh hi,” a ci hi.

2 KHANG TANGTHU NIHNATE 18:5

Tua ciangin Israel kumpipa in kamsangte mihing zali khawmin amaute kiangah, “Ramothgilead sim dingin kuanto ding i hi hiam, tua ahih kei leh thuak ding ka hi hiam?” a ci hi. Tua ciangin amaute in, “Kuanto in; bang hang hiam cih leh Pasian in kumpipa’ khut sungah hong pia ding hi,” a ci uh hi.