2 KHANG TANGTHU NIHNATE 18:34 - Tedim Bible

³⁴ Tua ni-in galkidona nasia mahmah a, nitak dong Siria mite mai ngatin a leeng sungah Israel kumpipa kingam hi; tua hi a, nitum laitakin amah si hi.

Tedim Bible Revision 2017

³⁴ Tua ni-in gal kidona nasia mahmah a, nitak dong Syria mite maingatin a leeng sungah Israel kumpipa kingam hi. Tua hi a, ni tum laitakin amah a si ta hi.

2 KHANG TANGTHU NIHNATE 18:34 Referans Kwoze

Paunak 28:17

Mi that-a a khialpa in, ama hankhuk ding a to hi a, a hankhuk tawh ding kho kei in.

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

2 KHANG TANGTHU NIHNATE 18:27

Tua ciangin Mikaiah in, “Lungnuam takin nong ciahkik leh, kei tung tawnin Topa in thu a gen lo ahi hi,” a ci hi. Tua ciangin amah in, “Mi khempeuh aw, tu-a ka thugen za un!” a ci hi.

2 KHANG TANGTHU NIHNATE 18:19

tua ciangin Topa in, ‘Israel kumpipa Ahab kuanto-in Ramothgilead-ah a puk nadingin kua in amah zol ding ahi hiam?’ a ci hi. Tua ciangin khat in thu khat gen a, adang khat in thudang khat gen hi.

2 KHANG TANGTHU NIHNATE 18:16

Tua ciangin amah in, “A cing nei lo tuu bangin mualte tungah Israel mi khempeuh a kithehthang ka mu hi; tua ciangin Topa in, ‘Hihte in to nei lo hi; nuam takin a inn ciat uhah ciahsak un,’ ci hi,” a ci hi.

Gamlak-vakna 32:23

Ahih hangin note tua bangin na gamtat kei uh leh, en un, Topa’ tungah a khial khin na hi uh hi; na khialhna un note hong sulzuih ding thei tel ta un.

2 KHANG TANGTHU NIHNATE 18:33

Ahih hangin mi khat in a thal mawk lot a, Israel kumpipa a galdal thep leh a awmdal kikal kha hi; tua ahih ciangin amah in a leeng hawlpa kiangah, “Kei liam ka hih manin kileh in la, galphual panin hong puakhia in,” a ci hi.

2 KHANG TANGTHU NIHNATE 19:1

Judah kumpipa Jehoshafat lungmuang takin Jerusalem a, ama innah ciahkik hi.