Biblia Todo Logo
Bib sou entènèt

- Piblisite -




2 KHANG TANGTHU NIHNATE 18:22 - Tedim Bible

22 Tua ahih ciangin en in, Topa in hih na kamsangte’ kam sungah zuau thu thei Kha khat koih khin hi; Topa in nang tawh kisai-in siatna gen khin zo hi,” a ci hi.

Gade chapit la Kopi

Tedim Bible Revision 2017

22 “Tua ahih ciangin Topa in hih na kamsangteʼ kam sungah zuau thu a gen kha khat koih khin ahihna thei in. Topa in nang na siat nading gen khinzo hi,” a ci hi.

Gade chapit la Kopi




2 KHANG TANGTHU NIHNATE 18:22
18 Referans Kwoze  

Kamsang khatpeuh peuh kikhemin a man loin thu hong dawn’ leh, Topa ahi keima’ khem hi ding hi. Israel mite lak panin tua kamsangpa ka la khia ding hi.


Topa in amaute lungsim kitukalhsak khin zo hi; zukhampa pen ama luak sung mahah a puk bangin Izipt gam mite’ hihna khempeuh khialin hoi mang khin hi.


Pasian thahatin gualzo tawntung a, mi khemte leh khemna a thuakte Pasian’ ukna nuai-ah om hi.


Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.


Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.


Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.


Tua ciangin Israel kumpipa Joash in Judah kumpipa Amaziah kiangah thu puak a, “Lebanon a, thangling kung in Lebanon a, taamtaak tungah thu puak a, ‘A zi dingin ka tapa tungah na tanu pia in,’ ci hi; tua ciangin Lebanon gamsa khat hong pai-in thangling tuancil hi.


Tua ciangin Israel kumpipa in Jehoshafat kiangah, “Amah in kei tawh kisai a hoih genkhol loin a sia bek gen ding hi, ci-in nang kiangah hong gen hilo ka hi hiam?” a ci hi.


Tua ciangin Israel kumpipa in Jehoshafat kiangah, “Eite in Topa’ thu i dot theih nading Imlah’ tapa Mikaiah kici mi khat om lai hi; ahih hangin amah in kei tawh kisai a hoih thu genkhol ngei loin a sia bekbek gen tawntung ahih manin amah ka mudah hi,” a ci hi. Tua ciangin Jehoshafat in, “Tua bangin kumpipa in ci kei in,” a ci hi.


Topa in Moses' kiangah, “'Izipt-ah na ciahkik ciangin, nangma' hih theih dingin vangliatna kong piaksa nalamdangte khempeuh Faro’ mai-ah na hih ding thei in; ahih hangin keimah in ama' lungsim ka khauhsak ding a, amah in mite paisak lo ding hi.


Tua ciangin amah in, ‘Keimah pai khia-in ama kamsangte khempeuh’ kam sungah zuau thei Kha khat ka va hi ding hi,’ a ci hi. Tua ciangin amah in, ‘Nangmah in amah na va zol ding a, na zo ding hi; pai khia in la, tua bangin hih in,’ a ci hi.


Swiv nou:

Piblisite


Piblisite