2 KHANG TANGTHU NIHNATE 18:16 - Tedim Bible

¹⁶ Tua ciangin amah in, “A cing nei lo tuu bangin mualte tungah Israel mi khempeuh a kithehthang ka mu hi; tua ciangin Topa in, ‘Hihte in to nei lo hi; nuam takin a inn ciat uhah ciahsak un,’ ci hi,” a ci hi.

Tedim Bible Revision 2017

¹⁶ Tua ciangin amah in, “A cing nei lo tuute bangin mualte tungah Israel mi khempeuh a kithehthang ka mu hi. Tua ciangin Topa in, ‘Hihte in to nei lo hi; nuam takin a inn ciat uh ah ciahsak un,’ ci hi,” a ci hi.

2 KHANG TANGTHU NIHNATE 18:16 Referans Kwoze

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Marka 6:34

Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

Ezekiel 34:8

Keimah in a nungta Topa Pasian ka hih takpi mah bangin, keima thu nong ngaih zawk ding uh hi napi-in, tu-in a cing om lo ahih manin gamsate in ka tuute manin that in ne uh hi. Ka tuu a cingte in a tuu uh zong loin, amau pumpi bek mah kivakin ka tuute vak lo uh hi.

1 KUMPI MASATE 22:17

Tua ciangin amah in, “Tuucing a nei lo tuute bangin mualte tungah Israel mi khempeuh a kithehthang ka mu hi; Topa in, Hihte in makai nei lo hi; amaute lungnuam takin a inn ciat uhah ciah hen,’ ci hi,” a ci hi.

Gamlak-vakna 27:17

“Topa’ mihonte a cing nei lo tuute a bat loh nadingin amaute’ mai-ah pai khia-in amaute mai-ah a tum ding, amaute paikhiatpihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.

2 KUMPI NIHNATE 10:3

Na topa uh suante a hoihpen leh a kilawmpen teelin a pa’ kumpi tokhom tungah tusak un la, na topa uh innkuan’ adingin do un,” a ci hi.

2 SAMUEL NIHNA 5:2

A beisa hunte ah, Saul in kote tungah kumpi ahih lai takin Israelte paikhiatpih in, a tumpihpa in nangmah na hi hi; Topa in nangma kiangah, ‘Nang in keima mi Israelte a cingpa hi-in, Israelte tungah ulian na hi ding hi,’ hong ci hi.” a ci uh hi.

2 SAMUEL NIHNA 2:7

Tua ahih ciangin tu-in note kithakhauhsakin hang un; bang hang hiam cih leh na topa uh Saul si a, Judah mite in amau’ tungah kumpi-in kei sathau hong nilh khin uh hi,” a ci hi.

2 KHANG TANGTHU NIHNATE 18:15

Ahih hangin kumpipa in ama kiangah, “Topa’ min tawh thudang gen loin thuman bek kei tungah nong gen nading bang zah vei hong thuhilh ding ka hi hiam?” a ci hi.

2 KHANG TANGTHU NIHNATE 18:17

Tua ciangin Israel kumpipa in Jehoshafat kiangah, “Amah in kei tawh kisai a hoih genkhol loin a sia bek gen ding hi, ci-in nang kiangah hong gen hilo ka hi hiam?” a ci hi.

Ezekiel 35:4

Na khuapite ka siasak ding a, na gamsung teng gamkhing ka suaksak ding hi. Tua ciangin Topa ka hihna thu na thei ding hi.