2 KHANG TANGTHU NIHNATE 18:14 - Tedim Bible

¹⁴ Kumpipa kiangah amah hong tun’ ciangin kumpipa in ama kiangah, “Mikaiah aw, Ramothgilead-ah galdo dingin kuan ding i hi hiam, tua ahih kei leh thuak ding ka hi hiam?” a ci hi. Tua ciangin amah in dawngin, “Kuanto in la, gual zo in; na khut sungah amaute hong kipia ding hi,” a ci hi.

Tedim Bible Revision 2017

¹⁴ Kumpipa kiangah amah hong tun ciangin kumpipa in ama kiangah, “Mikaiah aw, Ramoth-gilead ah galsim dingin kuan ding ka hi hiam, tua ahih kei leh thuak ding ka hi hiam?” a ci hi. Tua ciangin amah in dawngin, “Kuan to inla va gualzo ve! Na khut sungah amaute hong kipia ding hi veʼn,” a ci hi.

2 KHANG TANGTHU NIHNATE 18:14 Referans Kwoze

Mattiu 26:45

A nungzuite kiangah pai kik a, “Tu-in nuam takin ihmu un. En un, Mihing Tapa in migilote’ khut sungah hong lehheek ding a hun hong tung zo hi.

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.

Thuhilh-sia 11:1

Tui tungah na anlum khia in, ni tampi khit ciangin na mu kik ding hi.

1 KUMPI MASATE 22:15

Kumpipa kiangah amah a tun’ ciangin kumpipa in ama kiangah, “Mikaiah aw, Ramoth-gilead ah galsim dingin i kuan ding hiam, ahih kei leh i thuak ding hiam?” a ci hi. Tua ciangin amah in dawngin, “Kuanto in la, va gualzo in; Topa in kumpipa’ khut sungah hong pia ding hi,” a ci hi.

1 KUMPI MASATE 18:27

Sun ciangin Elijah in amaute zahpihin, “Amah in pasian ahih ciangin a gingin kiko un; amah in thu a lungngaih laitak, ahih kei leh mun dangah paikhia, ahih kei leh khualzin, ahih kei leh amah ihmu-in phot ding kisam hi kha thei ding hi,” a ci hi.

1 KUMPI MASATE 4:13

Ramoth-gilead gam sungah Ben-geber (Amah in Gilead sunga om Manasseh’ tapa Jair’ khua neute leh Bashan sungah a om Argob gamsung, kulhpite leh sumngo zawlte a nei khuapi lian sawmguk nei hi);

2 KHANG TANGTHU NIHNATE 18:13

Ahih hangin Mikaiah in, “Topa in a nungta ahih mah bangin, ka Pasian’ gen thu ka gen ding hi,” a ci hi.

2 KHANG TANGTHU NIHNATE 18:15

Ahih hangin kumpipa in ama kiangah, “Topa’ min tawh thudang gen loin thuman bek kei tungah nong gen nading bang zah vei hong thuhilh ding ka hi hiam?” a ci hi.