2 KHANG TANGTHU NIHNATE 18:12 - Tedim Bible

¹² Tua ciangin Mikaiah a sam dingin a pai kamtaipa in ama kiangah, “En in, thu kikhatin kamsangte’ thu gen pen kumpipa’ adingin a hoihlam ding ahi hi; amaute’ gen bangin gen in la, a hoih lamin gen in,” a ci hi.

Tedim Bible Revision 2017

¹² Tua ciangin Mikaiah a sam dingin a pai kamtai pa in ama kiangah, “En in, thu kikhatin kamsangteʼ thugen pen kumpipa adingin a hoihlam ahi hi. Nang zong amauteʼ gen bangin gen inla, a hoih lamin gen in,” a ci hi.

2 KHANG TANGTHU NIHNATE 18:12 Referans Kwoze

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” ci uh hi.

Amos 7:13

Hih lai in kumpipa’ biakna mun, minam bup biakinn ahih manin, Bethel-ah thu hong gen nawn kei in,” a ci hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante nuam sak uh hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Late 10:11

Ama lungsim sungah, “Hih pen, Pasian in mangngilh hi, a mai seel hi, en lo ding hi,” ci-in ngaihsun hi.

JOB (Job) 22:13

Ahi zongin nangmah in, Pasian in bang thei ding ahi hiam? Meii in Pasian tuamcip hi—eite’ thu bang hong ci khen theih ding ahi hiam?’ na ci hi.

Joshua 9:2

Joshua leh Israel a do dingin lungsim kikhatin kikhawm uh hi.

2 KHANG TANGTHU NIHNATE 18:11

Tua ciangin kamsang khempeuh in zong tua mah bangin genkhol uh a, “Ramothgilead-ah kuanto in la, gual zo in; Topa in kumpipa’ khut sungah hong pia ding hi,” a ci hi.

2 KHANG TANGTHU NIHNATE 18:13

Ahih hangin Mikaiah in, “Topa in a nungta ahih mah bangin, ka Pasian’ gen thu ka gen ding hi,” a ci hi.