2 KHANG TANGTHU NIHNATE 18:10 - Tedim Bible

¹⁰ Tua ciangin Khena-anah’ tapa Zedekiah in sik kite bawl tawmin, “Topa in hih bangin ci hi, ‘Amaute a siat matengin hihte tawh Siria mite na nawt ding hi,’ ci hi,” a ci hi.

Tedim Bible Revision 2017

¹⁰ Tua ciangin Khenaanahʼ tapa Zedekiah in sik kite bawl tawmin, “Topa in hih bangin ci hi: ‘Amaute a siat matengin hihte tawh Syria mite na nawt ding hi,’ ci hi,” a ci hi.

2 KHANG TANGTHU NIHNATE 18:10 Referans Kwoze

2 TIMOTI NIHNA 3:8

Zannes leh Zabres in Moses a nial uh mah bangin tua mite in zong thuman thutak a nial uh hi. Amaute a lungsim uh kisia-in upna thu-ah thudotna a thuak zo lo mi ahi uh hi.

Ezekiel 22:28

Kulh nin kimlai leikang tui tawh a kizut kaang bangin a kamsangte un hih bang mawhnate iimcip uh hi. A man lopi maang mu uh a, a man lopi-in mailam thu gen uh hi. Topa ahi keimah in amaute tungah thu gen lo napi-in, Topa Pasian in hih bangin thu gen hi, ci-in zuau phuakin mite tungah thu gen uh hi.

Ezekiel 13:7

Tua ahih manin amaute kiangah ka gen thu in: ‘Na maangmuhnate uh zuaupi hi a, na thugen kholhte uh thu zuau ahi hi. Note kiangah keimah in thu hong gen lo napi-in keima gen bangin na gen uh hi,’ ka ci hi,’ hong ci hi.

Jeremiah 29:21

A vanglian Topa, Israel mite’ Pasian in kei’ min tawh note’ kianga zuauthu a hong hilh Ko-laiah’ tapa Ahab leh Ma-aseiah’ tapa Zedekiah-te tawh kisai-a kong gen-inah: En un, keimah in amaute Babilon kumpipa Nebukhadnezzar’ khut sungah ka pia ding a, amah in no’ muhin amaute a thatlum ding hi.

Jeremiah 27:2

Topa in kei’ tungah, “Savun khau tawh a kithuah hakkol bawl in la, na ngawngah thuah in.

Jeremiah 23:31

En un, Topa in kong gen-inah, amau’ ngaihsut tawm thu gen napi a, ‘Topa in ci hi,’ a ci khem kamsangte’ lang khatah kei ka pang hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 23:21

Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

1 KUMPI MASATE 22:11

Tua ciangin Khene-anah’ tapa Zedekiah in ama adingin sik kite bawl a, “Topa in hih bangin ci hi: ‘Amaute a kisuksiat matengin hihte tawh Siria mite na nawt ding hi,’ ci hi,” a ci hi.

2 KHANG TANGTHU NIHNATE 18:9

Tu-in Israel kumpipa leh Judah kumpipa Jehoshafat a kumpi tokhom tung uhah tu-in a puantualpi uh tawh kizem uh hi; Samaria kulh kongpi lutna munah amaute tu uh hi; amaute’ mai-ah kamsangte khempeuh in thu genkhol uh hi.

2 KHANG TANGTHU NIHNATE 18:11

Tua ciangin kamsang khempeuh in zong tua mah bangin genkhol uh a, “Ramothgilead-ah kuanto in la, gual zo in; Topa in kumpipa’ khut sungah hong pia ding hi,” a ci hi.