2 KHANG TANGTHU NIHNATE 17:3 - Tedim Bible

³ Amah in a pa’ gamtat nasate zui ahih manin Jehoshafat tawh Topa om hi; amah in Baalte bia lo hi;

Tedim Bible Revision 2017

³ Amah in a paʼ gamtat masate zui ahih manin Jehoshafat tawh Topa om hi. Amah in Baal-te bia lo hi.

2 KHANG TANGTHU NIHNATE 17:3 Referans Kwoze

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

2 KUMPI NIHNATE 22:2

Amah in Topa’ mit-ah a man gamta-in, a pu David’ khekhap khempeuh zui cinten a, tak lamah ahi a, vei lamah ahi zongin pial lo hi.

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

1 KHANG TANGTHU MASATE 22:18

“Topa na Pasian uh note tawh om hilo ahi hiam? Amah in na kiim khempeuh uhah kilemna hong pia hilo ahi hiam? Bang hang hiam cih leh amah in gam sungah teeng mite keima khut sungah hong pia khin hi; Topa leh ama mite mai-ah gam sung khempeuh kinuai-siah hi.

2 SAMUEL NIHNA 5:10

David lian semsem hi; bang hang hiam cih leh Vanglian Pasian, Topa in amah ompih hi.

Thukhente 6:12

Topa’ vantungmi ama tungah kilangin ama kiangah, “Topa in nang tawh hong om hi, nang a thahat a vanglian mipa aw,” a ci hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Paikhiatna 3:12

Amah in, “Nang tawh kong om taktak ding hi; hih in nangma adingin nangmah kong sawlna lim hi ding hi: nangmah in Izipt panin mihingte na paikhiatpih khit ciangin, nang in hih mual tungah Pasian’ na na sem ding hi,” ci hi.

Piancilna 39:21

Ahih hangin Topa in Josef ompihin ama' tungah itna kip lak a, thong kempa’ muhna-ah amah maipha pia hi.

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KUMPI NIHNATE 18:3

Amah in a pu David’ hihna khempeuh tawh kizui-in Topa’ mit-ah a man gamta hi.

1 KUMPI MASATE 11:6

Tua ahih ciangin Topa muhna ah Solomon a sia gamta a, a pa David bangin Topa zui bup lo hi.

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

2 KUMPI NIHNATE 16:2

Ahaz in uk ding a kipatin kum sawmnih pha a, Jerusalem ah kum sawm-le-guk sung uk hi. A pu David’ gamtatnasa bangin amah in a Pasian, Topa’ mit-ah a man gamta lo a,

Thukhente 8:33

Gideon a sih khit phetin Israel mite kihei kikin Baalte bia uh a, a pasian dingun Baalberith bawl uh hi.

Thukhente 2:18

Topa in amaute adingin thukhente a khan’sak peuhpeuh ciangin thukhente tawh Topa om a, thukhente nuntak sung tawntung a galte uh khut sung panin amaute hon hi; bang hang hiam cih leh a gimsak a nengniamte’ hangin amau’ tauna in Topa’ hehpih nading piangsak hi.

Thukhente 2:11

Tua ciangin Israel mite in Topa muhna-ah a sia gamta-in Baalte’ na sem uh hi;

2 KUMPI NIHNATE 14:3

Amah in Topa’ mit-ah a man gamta a, ahi zongin a pu David bang zo lo hi; a pa Joash’ hihsa na khempeuh hih hi.

1 KUMPI MASATE 22:43

Amah in a pa Asa’ khekhap tawn hi; amah tua lampi panin pial loin, Topa muhna ah a manin gamta hi; ahi zongin mual tunga biaknate kilakhia lo a, mite in tuate tungah biakna pia lai-in paknamtui hal uh hi.

2 KHANG TANGTHU NIHNATE 17:2

Amah in Judah khuapi kulhneite khempeuh ah galkapte koih a, Judah gam sung, leh a pa Asa in a laksa Efraim khuapite sungah khuacingte koih hi.

2 KHANG TANGTHU NIHNATE 17:4

Israelte’ gamtat bang hi loin, ama pa’ Pasian zongin ama thupiakna zui hi.

2 KHANG TANGTHU NIHNATE 21:12

Tua ciangin kamsang Elijah tung panin ama kiangah laikhak khat hong tung a, “Na pu David’ Pasian, Topa in hih bangin ci hi, ‘Na pa Jehoshafat’ lampi ahih kei leh Judah kumpi Asa’ lampi tawn loin,

1 SAMUEL MASA 18:5

David kuankhia a, Saul in a sawlna mun peuhpeuhah a maa tun’ hi; tua ahih ciangin Saul in galkapte a uk dingin amah koih hi. Hih in mite khempeuh’ muhna leh Saul’ nasemte’ muhna-ah zong hoih kisa hi.

1 SAMUEL MASA 18:12

Saul in David kihta hi; bang hang hiam cih leh Topa in amah ompih a, ahih hangin Saul kiang panin amah kihemkhia khin ta hi.

1 SAMUEL MASA 18:14

David in a sepna khempeuh ah a maa tun’ hi; bang hang hiam cih leh Topa in amah ompih hi.

1 KUMPI MASATE 3:3

Solomon in Topa itin, a pa David’ thukhamte zui hi; ahi zongin amah in mual tunga biaknate ah biakna pia-in paknamtui hal hi.

2 KHANG TANGTHU NIHNATE 20:32

Amah in a pa Asa’ lampi mah zui a, tua lampi panin pialkhia lo hi; Topa’ muhna-ah a man na sem hi.

2 KHANG TANGTHU NIHNATE 22:9

Amah in Ahaziah zong a, Samaria ah a buk lai takin amah kiman a, tua ciangin Jehu kiangah amah kipai pihin kithat hi. Amaute in amah vui uh hi; bang hang hiam cih leh amaute in, “Amah in, a lungsim khempeuh tawh Topa a zong Jehoshafat’ tupa ahi hi,” a ci uh hi. Tua ciangin Ahaziah innkuante in kumpigam a uk zo ding mi khat zong nei nawn lo uh hi.

2 KHANG TANGTHU NIHNATE 27:6

Tua ahih ciangin Topa a Pasian’ mai-ah Jotham a va hoih tatna hangin a vang lian hi.

2 KHANG TANGTHU NIHNATE 29:2

A pu David’ hihnasa khempeuh bangin Topa’ mit-ah a man gamta hi.

2 KHANG TANGTHU NIHNATE 34:2

Amah in Topa mit-ah a man gamta a, a pu David’ khekhap zui hi; tak lamah ahi a, vei lamah ahi zongin amah lam pial lo hi.

Mattiu 25:16

Talen nga a sangpa in a metbawl leh, adang amet talen nga a ngah hi.