2 KHANG TANGTHU NIHNATE 17:10 - Tedim Bible

¹⁰ Tua ciangin Judah gam kimkotah a om khuapi gam khempeuh tungah Topa kihtakna om a, amaute in Jehoshafat do ngam nawn lo uh hi.

Tedim Bible Revision 2017

¹⁰ Tua ciangin Judah gam kimkot ah a om kumpi gam khempeuh tungah Topa kihtakna om a, amaute in Jehoshafat do ngam nawn lo uh hi.

2 KHANG TANGTHU NIHNATE 17:10 Referans Kwoze

2 KHANG TANGTHU NIHNATE 14:14

Topa kikihtakna amaute tungah om ahih manin amaute in Gerar kiim a, khuapi khempeuh vat uh hi. Amaute in khuapi khempeuh luh uh a, tuate sungah van kisutte tam mahmah hi.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

Paikhiatna 34:24

Bang hang hiam cih leh note' mai-ah minamte ka hawlkhia ding a, na gamgite uh nomau’ adingin ka keek ding hi; Topa na Pasian uh mai-ah kum khatin thum vei a kilaak dingin na paitoh sungun na leitang uh mi khat peuhpeuh in hong deih gawh khak ding lunghihmawhna om lo ding hi.

Piancilna 35:5

Amaute khualzinin a pai lai takun amau’ kiim-a om khuapite' tungah Pasian' kiang panin lauhuaina lianpi khat tung ahih manin amaute in Jakob’ tapate delh lo uh hi.

2 KHANG TANGTHU NIHNATE 20:29

Topa in Israelte’ galte a dona thu a zak uh ciangin kumpi gamte khempeuh tungah Topa a kizahtakna hong om hi.

2 KHANG TANGTHU NIHNATE 14:13

Asa, leh amah tawh a om mite in Gerar ciang dong amaute delh uh a, a hing kuamah a om nawn loh dongin Ethiopia mite puk uh hi; bang hang hiam cih leh Topa leh ama galkapte mai-ah amaute kisusia hi. Judah mite in van kinusia tampi tak puakhia uh hi.

Micah 7:17

Amaute in gul bangin leivui liakin, a bokvak ganhing bangin hong awmtal ding uh a, a bukna uh mun muanhuaite panin lau-in a lingsa-in hong pusuak ding uh a, Topa Pasian hong kihta ding uh hi.