2 KHANG TANGTHU NIHNATE 17:1 - Tedim Bible

¹ Tua ciangin a tapa Jehoshafat in ama taangin uk a, Israel lang pangin amahmah kithakhauhsak hi.

Tedim Bible Revision 2017

¹ Tua ciangin a tapa Jehoshafat in ama tangin uk a, Israel langpangin a mahmah kithakhauhsak hi.

2 KHANG TANGTHU NIHNATE 17:1 Referans Kwoze

1 KUMPI MASATE 15:24

Tua ciangin Asa a pate tawh ihmu a, a pupi David khuapi sungah a pate tawh kivui hi; tua ciangin ama tangin a tapa Jehoshafat in uk hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Mattiu 1:8

Asa’ tapa Jehoshafat, Jehoshafat’ tapa Joram, Joram’ tapa Uzziah,

2 KHANG TANGTHU NIHNATE 32:5

Amah in lungsim kho takin sep ding kipan a, a cimsa kulh khempeuh ciang pha-in tua tungah tausangte koihto a, tua pua lamah kulh dang khat ciang hi; amah in David khuapi sungah Millo a muanhuai-in bawlpha hi. Amah in galhiam leh lumte zong tampi bawl hi.

Ezekiel 7:27

Kumpipa dahin thuum ding a, ulian penpa a cih nading thei loin om cipin, mi khempeuh lau-in liing ding uh hi. Na gamtatna uh tawh kizui-in daan kong pia ding a, midangte tungah thu na khen bangun note tungah thu kong khen ding hi. Hih bangin kong hih ciangin Topa ka hih lamtak na thei ding uh hi,” a ci hi.

2 KHANG TANGTHU NIHNATE 26:8

Ammon mite in Uzziah tungah siah puak uh a, amah a thahat mahmah suak ahih manin a minthan’na in Izipt gamgi ciang dong nangawn zel hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

1 KHANG TANGTHU MASATE 11:10

Tu-in hihte in Israel tawh kisai-in Topa’ thugen bangin amah kumpi-in a bawl dingin Israel khempeuh tawh ama kumpi gam sungah amah nakpi takin a huh David’ mi a thahat a ukpite ahi hi.

1 KUMPI MASATE 22:41

Israel kumpi Ahab’ kum lina kumin Asa’ tapa Jehoshafat in Judah tungah uk ding kipan hi.

1 SAMUEL MASA 23:16

Tua ciangin Saul’ tapa Jonathan ding-in David kiang Horesh ah pai a, Pasian in hong huh ding hi, ci-in amah hanthawn hi.

2 KHANG TANGTHU NIHNATE 17:2

Amah in Judah khuapi kulhneite khempeuh ah galkapte koih a, Judah gam sung, leh a pa Asa in a laksa Efraim khuapite sungah khuacingte koih hi.

2 KUMPI NIHNATE 1:17

Tua ahih ciangin Elijah’ gensa Topa’ kammal tawh kizui-in amah si hi. Ahaziah in tapa nei lo ahih manin Judah kumpipa, Jehoshafat’ tapa Jehoram’ kum nihna kumin, a sanggampa Jehoram in ama tangin kumpi suak hi.