2 KHANG TANGTHU NIHNATE 16:3 - Tedim Bible

³ “Ka pa leh na pa a kipawl mah bangin kei leh nang i kipawl hi; en in, ngun, leh kham kong puak hi; kei kiang panin amah a nungkik theih nadingin pai in la, Israel kumpipa Baasha tawh na kipawlna va sutat in,” a ci hi.

Tedim Bible Revision 2017

³ “Ka pa le na pa a kipawl mah bangin kei le nang i kipawl hi. Tu-in ngun le kham kong puak hi. Kei kiang panin amah a nungkik theih nadingin pai inla Israel kumpipa Baasha tawh na kipawlna va su tat in,” a ci hi.

2 KHANG TANGTHU NIHNATE 16:3 Referans Kwoze

Late 15:4

a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,

2 TIMOTI NIHNA 3:3

ngeina bang itna a nei lo mi, kitotna lungsim nei mi, mi a gendai thei mi, a pumpi kikem zo lo mi, a hangsan mi, a hoih lam a deih lo mi,

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

2 KHANG TANGTHU NIHNATE 18:3

Israel kumpipa Ahab in Judah kumpipa Jehoshafat kiangah, “Ramothgilead-ah kei tawh nong kuan ding hiam?” a ci hi. Amah in dawngin, “Keimah in nangmah bang ka hi a, ka mite in nangma mite mah bang ahi hi. Kote in galdona ah nang tawh kong kuan ding uh hi,” a ci hi.

2 SAMUEL NIHNA 21:2

Tua ahih ciangin kumpipa in Gibeon mite sam hi. Tu-in Gibeon mite in Israel mite sung hi loin Amor mi a om laite ahi uh hi; amaute a hingkhawi ding Israel mite kiciam khin napi-in, Israel leh Judah mite ading a deih luatna-in Saul in amaute thah dingin zong hi.

Thukhente 2:2

hih gam-a teeng mite tawh thuciamna na bawl kei ding uh hi; amau’ biakna taute na susia ding uh hi,’ ka ci hi. Ahih hangin note in ka thupiak na mang kei uh hi. Hih banga na gamtat uh bang ahi hiam?

Paikhiatna 32:21

Moses in Aaron' kiangah, “Amaute' tungah khialhna lianpi khat na tun’pih nadingin hih mite in nang' tungah bang hong hih ahi uh hiam?” a ci hi.

1 KUMPI MASATE 15:16

Amau’ hun sung tawntung Asa leh Israel kumpi Baasha kikalah galkidona om hi.

2 KHANG TANGTHU NIHNATE 16:2

Tua ciangin Asa in Topa’ inn leh kumpipa’ inn-a van manpha koihnate panin ngun leh kham la-in, Damaskas-ah a teeng Siria kumpipa Benhadad kiangah tuate puakin,

2 KHANG TANGTHU NIHNATE 16:4

Tua ciangin Benhadad in kumpi Asa’ thu ngai-in Israel khuapite a do dingin a galkap ukte sawl a, amaute in Ijon, Dan, Abelmaim, leh Naftali vankoihna khuapite zo uh hi.