2 KHANG TANGTHU NIHNATE 16:11 - Tedim Bible

¹¹ Asa’ gamtatnate, a patna pan a tawpna dong, Judah leh Israel Kumpite’ Laibu sungah kigelh hi.

Tedim Bible Revision 2017

¹¹ Asaʼ gamtatnate, a patna pan a tawpna dong, Judah le Israel Kumpiteʼ Tangthu sungah kigelh hi.

2 KHANG TANGTHU NIHNATE 16:11 Referans Kwoze

2 KHANG TANGTHU NIHNATE 35:27

leh ama gamtatna, a masa leh a nunung, en in, Israel leh Judah Kumpite’ Laibu sungah kigelh hi.

2 KHANG TANGTHU NIHNATE 34:18

Tua lai-atpa Shafan in kumpipa kiangah, “Siampi Hilkiah in kei tungah laibu khat hong pia hi,” a ci hi. Tua ciangin Shafan in kumpipa mai-ah tua laibu sim hi.

2 KHANG TANGTHU NIHNATE 32:32

Tu-in Hezekiah’ gamtatna a om laite, leh ama nasep hoihte, en in, Judah leh Israel Kumpite’ Laibu sung, Amoz’ tapa, kamsang Isaiah’ mangmuhna sungah kigelh hi.

2 KHANG TANGTHU NIHNATE 27:7

Tu-in Jotham’ gamtatna a om laite, leh a galsimnate, leh a omziate, en in, Israel leh Judah Kumpite’ Laibu sungah kigelh hi.

2 KHANG TANGTHU NIHNATE 26:22

Tu-in Uzziah gamtatna a om laite, a patna panin a tawpna dong, Amoz’ tapa, kamsang Isaiah in gelh hi.

2 KHANG TANGTHU NIHNATE 25:26

Tu-in Amaziah’ nasep a om laite, a patna panin a tawpna dong, Judah leh Israel kumpite’ Laibu sungah kigelh hilo ahi hiam?

2 KHANG TANGTHU NIHNATE 20:34

Tu-in Jehoshafat’ gamtatna a om laite, a patna pan a tawp dongin, Israel Kumpite’ Laibu sunga a kiciamteh, Hanani’ tapa Jehu’ khang tangthu sungah kigelh hi.

2 KHANG TANGTHU NIHNATE 12:15

Tu-in Rehoboam gamtatnate, a kipatna pan a tawpna dong, kamsang Shemaiah leh thu-mupa Iddo’ khang tangthu sungah kigelh hilo ahi hiam? Rehoboam leh Jeroboam kikalah gal kidona om tawntung hi.

2 KHANG TANGTHU NIHNATE 9:29

Tu-in Solomon’ gamtatna a om laite, a kipatna pan a tawp dong, kamsang Nathan’ tangthu sung, leh Shiloh khua mi Ahijah’ thugen kholhna sung, leh Nebat’ tapa Jeroboam’ thu tawh kisai-in thu-mupa Iddo’ mangmuhna sungah kigelh hilo ahi hiam?

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.