Biblia Todo Logo
Bib sou entènèt

- Piblisite -




2 KHANG TANGTHU NIHNATE 15:8 - Tedim Bible

8 Asa in Oded’ tapa Azariah’ thugenkholh, hih thute a zak ciangin amah hong hangin, Judah gam khempeuh leh Benjamin leh Efraim mualtung gam panin a laksa khuapite panin a kihhuai milimte lakhia a, Topa’ innlim mai-a om Topa’ biaknatau puah hi.

Gade chapit la Kopi

Tedim Bible Revision 2017

8 Asa in Odedʼ tapa Azariahʼ thugen kholh, hih thute a zak ciangin amah a lungsim hong hangin, Judah gam khempeuh le Benjamin le Efraim mual tung gam panin a lak sa khuapite panin a kihhuai milimte la khia a, Topaʼ biakinn mai-a om Topaʼ biakna tau a puah hi.

Gade chapit la Kopi




2 KHANG TANGTHU NIHNATE 15:8
24 Referans Kwoze  

Tua ciangin Abijah in Jeroboam delh a, ama tung panin khuapite, Beth-el a khuaneute tawh, Jeshanah a khuaneute tawh, leh Efron a khuaneute tawh la hi.


Tua ciangin sabbath nite, khadet nite, leh kum simin a kinei pawi thum—silngo sawh loh anlum pawi, nipi kal pawi, biakbuk pawite’ adingin Moses’ thupiakna tawh kizui-in ni simin piakna nasep ding a kisam ahih mah bangin innlim mai-a a lam Topa’ biakna tau tungah Solomon in meihal biakna Topa tungah pia hi.


Amah in sumngo biaknatau, a dung tong sawmnih, a vai tong sawmnih a sang tong sawm a pha khat bawl hi.


Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.


Rom khua-ah a om ute naute in kote paina thu a zak uh ciangin hong dawn ding kimkhatte in Appias Sumbuk dongin, kimkhatte in Mangbuk Thum dongin hong pai uh hi. Paul in tua mite a muh ciangin Pasian’ hehpihna phatin a lungdam uh hi.


Kei zong a sungah tumin ka khuadak hi. Kawm tung khempeuh ah gul lim, adang ganhing ninte lim, leh Israel mite’ biak milim khempeuh a kisuai ziazua ka mu hi.


Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.


han sungah tu-in, mun simtham ah zanin mi site thu a dong mite, voksa ne-in amau beel sungah dawi biakna sa mehtui a nei mite,


Amah in taamtaak sing kungte phuk hi; tua ahih kei leh sesing kung khat ahi a, tawsaw kung khat ahi zongin teng khia a, gamlak singte lakah khang sakin gol sak hi; amah in taamtaak kung khat suanin guah in khang sak hi.


Tua ciangin kumpipa Hezekiah’ kiangah amaute tumin, “Topa’ inn khempeuh, meihal biakna tau leh a nazatte khempeuh, leh Ompihna Anlum sabuai leh a nazatte khempeuh ka puahsiang khin uh hi.


En un, Topa’ thu tawh kisai thute khempeuh ah siampi lian Amariah in no tungah om hi, tua ciangin kumpipa tawh kisai thute khempeuh ah Judah mite a ukpa Ishmael’ tapa Zebadiah om hi; tua ciang Levi mite in note tungah ulian na hong sem ding uh hi. Hang takin gamta un, thumante tawh Topa hong om ta hen!” a ci hi.


Tua ciangin Israel kumpipa Solomon in Sidon mite’ kihhuaina Ashtoreth’ ading, leh Moabte’ kihhuaina Khemosh’ ading, leh Ammon mite’ kihhuaina Milkom’ ading a lam, Jerusalem nisuahna lam Oliv Mual leitaw lam-a om mual tunga biaknate kumpipa in susia hi.


Ahih hangin note in kei kiangah, “Kote in Topa ka Pasian uh ka suang uh hi,” na cih uh leh, Hezekiah in mual tunga biaknate leh a biakna taute hepkhiat sakin Judah leh Jerusalem tung a, “Jerusalem khua sung hih biakna tau mai-ah na bia ding uh hi,” a cihpa hilo ahi hiam?


Tua ciangin amah in ama biakna tau leh Topa’ inn kikal, inn mai panin Topa mai-ah a om sumngo biakna tau la khia-in ama biakna tau leilu lam pangah koih hi.


Tua ciangin Solomon in Jerusalem nisuahna lam mual tungah Moab mite’ aa ahi, a kihhuai Khemosh leh Ammon mite’ aa ahi a kihhuai Molek adingin mual tunga biakna khat lam hi.


Bang hang hiam cih leh Sidon mite’ nusian Ashtoreth, leh Ammon mite’ aa ahi a kihhuai Milkom, Solomon in bia hi.


“Topa adingin a kihhuai ahi, khutsiampa khut tawh a kibawl, a kiseek ahi a, a kisung ahi zongin milim bawlin, mun simtham ah a koih mipa in gimna ngah ta hen,’ ci ding uh hi. Tua ciangin mi khempeuh in dawngin, ‘Amen,’ ci ding uh hi.


Tua ahih ciangin note ma-a a kizang hih a kihhuai ngeinate khatpeuh peuh na gamtat ngei loh nading uh leh tuate tawh nomau na kinitsak ngei loh nadingun kong thuhilh zui un: keimah in Topa na Pasian uh ka hi hi,” a ci hi.


Amah in Judah khuapi kulhneite khempeuh ah galkapte koih a, Judah gam sung, leh a pa Asa in a laksa Efraim khuapite sungah khuacingte koih hi.


Jerusalem ah Jehoshafat teeng hi; tua ciangin Be-ersheba panin Efraim mual tung gam ciang dong mite lakah zin kawikawi a, amau’ pute pate’ Pasian, Topa kiangah amaute tun’pih kik hi.


Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.


Israel kumpi Jeroboam’ kum sawmnihna kumin Asa in Judah tungah uk ding kipan a,


Talen nga a sangpa in a metbawl leh, adang amet talen nga a ngah hi.


Swiv nou:

Piblisite


Piblisite