2 KHANG TANGTHU NIHNATE 15:7 - Tedim Bible

⁷ Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

Tedim Bible Revision 2017

⁷ Ahih hangin nang, hang in! Na nasepna thaman hong kipia ding ahih manin na khut zawsak kei in,” a ci hi.

2 KHANG TANGTHU NIHNATE 15:7 Referans Kwoze

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Hebru 10:35

Tua ahih ciangin phattuamna lian mahmah tawh kizom na lau lohna lungsim uh na paaikhia kei un.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

2 JOHAN NIHNA 1:8

Note in na bawl uh nate mangthangsak loin, a kicing thaman na ngah nadingun na kikem un.

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Kolose 3:24

Bang hang hiam na cih uh leh, Topa Khazih’ nasem na hih uh ciangin luahna ahi thaman tua Topa’ khut tung pan na ngah ding uh hi ci-in na thei un.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

1 KORIN MASA 3:8

Ahih hangin a suanpa leh tui buakpa in mikhat ahi uh a, amau nasep bangin amau ciat in thaman a ngah ding uh hi.

1 KORIN MASA 3:14

Tua khuam tungah zomin a lam mi in a nasepna a kip leh, thaman a ngah ding hi.

Mattiu 6:6

No thu na nget uh ciangin inn sung tawngah lut un la, kong na khak khit uh ciangin a kilang lona munah a om na Pa uh kiangah na ngen un. A kilang lona-ah a om na Pa un phattuamna a hong pia ding hi.

Mattiu 6:4

A kilang lona-ah a mu thei na Pa un phattuamna hong pia ding hi.”

Late 27:14

Topa ngak in; tha khauh in la, na lungsim hangsak in; hi hi, Topa ngak in!

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Mattiu 6:18

A kilang lona-ah a muthei na Pa un phattuamna hong pia ding hi.”

Mattiu 6:1

“Mi mai-ah kisialin, gamtatna a pha mite muh dingin na bawl loh nadingun na kikem un. A hih kei leh vantungah a om na Pa uh kiangah nopna na ngah kei ding uh hi.”

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Late 19:11

Tham loin tuate hangin na nasempa in thu phawkna ngah a, tuate zuihna-ah noptuam lian om hi.

Joshua 1:6

Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Joshua 14:14

Tua ahih ciangin amah in Topa, Israelte’ Pasian, lungsim tak tawh zui ahih manin tu ni dongin Hebron in Kenaz mi Jefunneh’ tapa Kaleb’ gamh suak hi.

2 KHANG TANGTHU NIHNATE 19:11

En un, Topa’ thu tawh kisai thute khempeuh ah siampi lian Amariah in no tungah om hi, tua ciangin kumpipa tawh kisai thute khempeuh ah Judah mite a ukpa Ishmael’ tapa Zebadiah om hi; tua ciang Levi mite in note tungah ulian na hong sem ding uh hi. Hang takin gamta un, thumante tawh Topa hong om ta hen!” a ci hi.

2 KHANG TANGTHU NIHNATE 32:7

“Thakhauh un la, hang un. Assiria kumpipa leh amah tawh a om mihon khempeuh mai-ah lau kei un la, zong lungkia kei un; bang hang hiam cih leh amah tawh a omte sangin eite tawh a ompa lianzaw hi.

Jeremiah 31:16

Topa in hong cih-inah: “Kap nawn kei un la, na khitui uh nul un. Bang hang hiam cih leh Topa in kong cih-inah, na nasepna uh thaman na ngah ding uh hi. Amaute galte’ gam panin hong ciahkik ding uh hi.

Zekhariah 8:9

“Thakhauhin lungsim hang un. Ka biakinn a kilamkik nading a bul a kiphuh lai takin kamsangte in a gen thute mah a za na hi uh hi.