2 KHANG TANGTHU NIHNATE 15:3 - Tedim Bible

³ Hun saupi sung Israel in Pasian man tawh om lo, thu a hilh siampi tawh om lo, thukham tawh om lo hi;

Tedim Bible Revision 2017

³ Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

2 KHANG TANGTHU NIHNATE 15:3 Referans Kwoze

Nehemiah 8:9

Tua ciangin gam ukpa Nehemiah, leh lai theipa lah hi-in siampi lah ahi Ezra, leh mite a hilh Levi mite in amaute khempeuh kiangah, “Tu ni in Topa note’ Pasian adingin biakna ni siangtho ahi hi; a kap a mau om kei un,” a ci uh hi. Bang hang hiam cih leh thukham kammalte a zak uh ciangin mi khempeuh kap uh hi.

Siampi Laibu 10:11

Topa in Moses’ tung tawnin amaute tunga a gensa thukhamte khempeuh note in Israel mite a hilh ding na hi uh hi,” a ci hi.

Malakhi 2:7

Siampite’ nasep in Pasian a man-a theih nading a hilh ding uh ahi hi. Amaute pen Vanglianpen Topa’ kamtaite ahih manin, mite in keima deihna a theih nadingun amaute tungah thu a dot ding uh ahi hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Hosea 3:4

Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

ROM (Romans) 2:12

Thukham thei lo-a khialte in Thukham loin a sia ding uh hi. Thukham thei napi-in mawhna ahihte in Thukham bangin thukhenna a thuak ding uh hi.

Thu-hilhkikna 33:10

Amaute in na ngeina kipte Jakob suante hilhin, na thukhamte Israel hilh ding uh hi; amaute in na mai-ah paknamtui hong koihin, na biakna tau tungah meihal biakna bup hong koih ding uh hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

1 KORIN MASA 9:21

Pasian’ thukham zui lo bangin ka om loh hangin, Khazih’ thukham khut nuaiah om napi-in Thukham zui lote ka ngah nadingin, Thukham zui lo mite ading Thukham zui lo bang ka hi hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Siampi Laibu 10:8

Topa in Aaron kiangah,

2 KHANG TANGTHU NIHNATE 17:7

Ama uk kum thumna kumin ama uliante, Benhail, Obadiah, Zekhariah, Nethanel, leh Mikaiah, Judah khuapite ah thuhilh dingin sawl hi;

Amos 8:11

Keimah in leitungah kial kong tun’sak hun hong tung ding hi. Tua kialpi in an leh tui duhna kial hi lo ding a, Topa’ thu zak nop mahmahna kial hi ding hi. Topa Pasian ahi keimah in hih thu kong gen khin hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa leh miliante salin a om khin uh hi. Thukham kihilh nawn lo a, kamsangte in Pasian kiang pan mang a mu nawn kei uh hi.