2 KHANG TANGTHU NIHNATE 15:2 - Tedim Bible

² tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

Tedim Bible Revision 2017

² Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om lai teng uh note tawh Topa hong om hi. Amah na zon uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KHANG TANGTHU NIHNATE 15:2 Referans Kwoze

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

2 KHANG TANGTHU NIHNATE 24:20

Tua ciangin siampi Jehoiada’ tapa Zekhariah’ sungah Pasian’ Kha hong lut hi; tua ciangin amah ding-in mite en sukin mite kiangah, “Pasian in hih bangin ci hi, ‘Bang hangin na mavan’ theih loh nadingun Topa’ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.

2 KHANG TANGTHU NIHNATE 15:4

ahih hangin a lungkham uh ciangin Israel Pasian, Topa’ lamah kihei uh a, amah zongin amaute in amah mu uh hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong a, tua ciangin amaute in amah mu uh a, Topa in a kiim uhah amaute gal daihna pia hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

2 KHANG TANGTHU NIHNATE 13:12

En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

2 KHANG TANGTHU NIHNATE 20:15

Tua ciangin amah in, “Judah gam khempeuh leh Jerusalem a, teeng khempeuh leh kumpi Jehoshafat aw, ngai un: Topa in hih bangin note tungah hong gen hi, ‘Kihta kei un la, hih a tam mi honpi hangin lungkia kei un; bang hang hiam cih leh galdona in note’ aa hi loin Pasian aa ahi hi.

Thu-hilhkikna 20:1

“Na langte uh a do dingin pai-in sakolte leh leengte leh galkapte nomau’ aa sangin a tam zaw-in na muh uh ciangin amaute na kihta kei ding uh hi; bang hang hiam cih leh Izipt gam panin note hong paikhiatpih Topa na Pasian uh note tawh hong om hi.

2 KHANG TANGTHU NIHNATE 32:8

Amah tawh mihing thatang om hi; ahih hangin eite hong huhin i gal hong dosak dingin Topa i Pasian in eite tawh hong om hi,” a ci hi. Tua ciangin mite in Judah kumpipa Hezekiah’ kammalte muang uh hi.

2 KUMPI NIHNATE 21:14

Tua ciangin keimah in ka gamh a om laite paai khia-in amau’ galte’ tungah ka pia ding a, amaute in a galte’ adingin a mat ding mi leh vankiate suak ding uh hi;

Mattiu 13:9

Zak nading bil a nei teng in za ta un!” a ci hi.

2 KHANG TANGTHU NIHNATE 13:4

Tua ciangin Efraim mualtung gamah a om Zemaraim Mual tungah Abijah ding to-in, “Jeroboam leh Israel khempeuh aw, ka thu ngai un!

Mangmuhna 2:11

Kha Siangtho in pawlpite a thupiakna bil nei mi in ngai ta hen. A zo mi nihvei sihna in a su kha kei ding hi.”

Mangmuhna 2:7

Kha Siangtho in pawlpite a thupiakna bil nei mi in ngai ta hen. A zo mi keimah in Pasian Paradis gam sungah a om nuntakna gah a nek theihna thu ka pia ding hi.”

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

2 KHANG TANGTHU NIHNATE 20:17

Note in hih kidona-ah na do ding uh kisam lo hi; Judah gam mite leh Jerusalem khua mite aw, na panmun uh la-in taang loin ding un la, note taangin Topa’ gualzawhna mu un,’ ci hi. Kihta kei un la, lungkia kei un; zing ciangin amaute do-in pai un, Topa in note tawh hong om ding hi,” a ci hi.

Mangmuhna 3:22

Kha Siangtho in pawlpite a thupiakna bil nei mi in ngai ta hen,’ ci-in thu hong pia hi.”

Mangmuhna 3:13

Kha Siangtho in pawlpite a thupiakna bil nei mi in ngai ta hen,”

Mangmuhna 3:6

Kha Siangtho in pawlpite a thupiakna bil nei mi in ngai ta hen.”’

Mangmuhna 2:29

Kha Siangtho in pawlpite a thupiakna bil nei mi in ngai ta hen.’”

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

Thukhente 9:7

Jotham kiangah tua thu a kigen ciangin amah pai-in Gerizim Mual dawnah ding a, nakpi-in kiko-in amaute kiangah, “No Shekhem mite aw, Pasian in note thu hong ngaih theih nadingin ka thu hong ngai un.

2 KHANG TANGTHU NIHNATE 33:12

Amah a lungkham ciangin Topa a Pasian’ maipha kunh-in a pu a pate’ Pasian mai-ah nakpi takin amah kiniamkhiat hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Joshua 22:31

Tua ciangin siampi Eleazar’ tapa Finehas in Reuben mite leh Gad mite leh Manasseh mite tungah, “Topa tungah note zuautat nai lo na hih manun eite lakah Topa om hi, ci-in tu ni-in i thei hi; tu-in note in Topa’ daantah nading panin Israel mite na honkhia uh hi,” a ci hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi; nang in Topa’ thupiaknate nusia-in Baalte zui na hih manin nang leh na pa’ innkuan in na lungkhamsak uh hi.

2 KHANG TANGTHU NIHNATE 12:5

Tua ciangin Shishak’ huhau-in Jerusalem ah a kikhawm Rehoboam leh Judah uliante kiangah kamsang Shemaiah hong pai-in amaute kiangah, “Topa in hih bangin ci hi: ‘Note in kei nong nusia uh hi; tua ahih ciangin Shishak’ khut sungah note kong pia khin hi,’ ci hi,” a ci hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

Ezra 8:22

Bang hang hiam cih leh kumpipa kiangah, “Ka Pasian un amah a zong mite khempeuh ompihin amau’ adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi-ah kote hong kha dingin galkapte leh sakol tung tuangte kumpipa kiangah ka nget ding ka maizum hi.

Late 34:4

Keimah in Topa ka zong a, amah in kei hong dawngin, ka launa khempeuh panin hong honkhia hi.

Late 53:2

A pil, Pasian a zong mi a om uh hiam cih a theih nadingin Pasian in vantung panin mihing’ tate en suk hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Gamlak-vakna 14:42

Na galte uh mai-ah note hong kisat puk kha ding ahih ciangin kuanto kei un, bang hang hiam cih leh note lakah Topa om lo hi.

Gamlak-vakna 14:43

Amalek mite leh Kanaan mite na mai uhah om ahih ciangin namsau tawh note na puk ding uh hi; Topa zuihna panin nungkik na hih uh ciangin note tawh Topa om lo ding hi,” a ci hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh leh, na nuntakna khempeuh uh tawh na zon’ uh leh amah na mu ding uh hi.

Joshua 24:20

Topa nusia-in gamdang pasiante’ na nasep uh leh, note tungah a hoih hong bawl khit ciangin amah hong kihei-in note tungah siatna hong bawlin note hong beisak ding hi,” a ci hi.

Thukhente 10:13

Tua hi napi-in note in kei hong nusia-in pasian dangte’ na na sem uh hi; tua ahih ciangin note kong honkhia nawn kei ding hi.

1 SAMUEL MASA 12:14

Note in Topa zahtakin ama’ na sem a, ama aw ngai-in Topa’ thupiakna na lehdo kei uh a, note a hong uk kumpipa leh Topa na Pasian uh na zuih uh leh thu hong nuam ding hi;

1 SAMUEL MASA 12:15

ahih hangin note in Topa’ aw ngai loin Topa’ thupiakna na lehdo uh leh Topa in note leh na kumpipa uh hong langpan’ ding hi.

1 KUMPI MASATE 11:25

Hadad mah bangin Solomon’ hun sung khempeuh amah Israelte langpangin omin siatna bawl hi; amah in Israel mudah a, Siria gamah uk hi.

2 KHANG TANGTHU NIHNATE 11:12

Tua ciangin amah in khuapi khempeuh ah lum leh tei koih a, a muanhuai mahmahin bawl hi. Tua ahih ciangin Judah gam leh Benjamin ama aa suak hi.

2 KHANG TANGTHU NIHNATE 33:11

Tua ciangin Topa in Assiria kumpipa’ galkap ukte amau kiangah paipih a, amaute in sikkawite tawh Manasseh manin sumngo khau tawh khihin Babilon ah paipih uh hi.

Isaiah 51:1

Dikna a zui, Topa a zongte aw, ngai un; note hong ki-eu khiatna suangpi leh note hong kitawh khiatna khuk en un.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Amos 5:14

Note na nuntak theih nadingun, siatna gamta loin, thuman-a gamtat ding hanciam un. Tua hi leh na gensa uh mah bangin, Topa, mihonpite’ Pasian in note hong ompih ding hi.

Zekhariah 1:3

Ahi zongin tu-in kei kiangah hong ciahkik le uh cin, kei zong note kiangah kong paikik ding hi.