2 KHANG TANGTHU NIHNATE 14:7 - Tedim Bible

⁷ Tua ciangin amah in Judah mite kiangah, “Hih khuapite lamin kulhpite leh tausangte, kulhkongpite leh zawlte tawh um ni; eite in Topa i Pasian zong i hih manin leitang in eima’ aa hi lai hi; eite in amah i zong a, amah in i kiim khempeuh panin kilemna hong pia hi,” a ci hi. Tua ahih ciangin amaute in khuapi lam uh a, mavang uh hi.

Tedim Bible Revision 2017

⁷ Tua ciangin amah in Judah mite kiangah, “Hih khuapite lamin kulhpite le tausangte, kulh kongpite le zawlte tawh um ni. Eite in Topa i Pasian zong ihih manin leitang pen eima aʼ hi lai hi. Eite in amah i zong a, amah in i kiim khempeuh panin galdaihna hong pia hi,” a ci hi. Tua ahih ciangin amaute in khuapite lamin kulh tawh um uh a, maavang uh hi.

2 KHANG TANGTHU NIHNATE 14:7 Referans Kwoze

1 PETER MASA 3:12

Bang hang hiam na cih uh leh, Topa’ mit in mi dikte a en hi, a bil in zong amau thungetna a ngai hi. Mawhna ahihte ahih uh leh, Topa in a nungngat hi.”

2 KHANG TANGTHU NIHNATE 14:6

Tua gamah gal dai ahih manin Judah sungah kulh a nei khuapite lam hi. Topa in ama tungah kilemna pia ahih manin tua kum sungin amah in galdona nei lo hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

2 KHANG TANGTHU NIHNATE 32:5

Amah in lungsim kho takin sep ding kipan a, a cimsa kulh khempeuh ciang pha-in tua tungah tausangte koihto a, tua pua lamah kulh dang khat ciang hi; amah in David khuapi sungah Millo a muanhuai-in bawlpha hi. Amah in galhiam leh lumte zong tampi bawl hi.

2 KHANG TANGTHU NIHNATE 14:4

amau’ pute pate’ Pasian, Topa zongin thukham leh thupiaknate a zuih nadingun Judah mite thu pia hi.

2 KHANG TANGTHU NIHNATE 8:5

Amah in khuapi kulh, kongpite, leh zawlte a nei Bethhoron Tungnung leh Bethhoron Nuainung,

Joshua 23:1

Topa in amau’ kim-a om gal khempeuh panin Israel mite tawlngakna a piak khit a sawtpi ciangin Joshua teekin a kum tampi pha hi.

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong a, tua ciangin amaute in amah mu uh a, Topa in a kiim uhah amaute gal daihna pia hi.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna pia hi.

1 KUMPI MASATE 15:23

Tu-in Asa’ gamtatna a om laite khempeuh, ama thahatna khempeuh, leh ama sep khempeuh, leh ama lam khuapite, Judah Kumpite’ Khang Tangthu Laibu sungah kigelh hilo ahi hiam? Ahih hangin a teek ciangin a khete-ah natna nei hi.

2 KHANG TANGTHU NIHNATE 17:13

amah in Judah khuapite sungah van tampi nei hi. Amah in a thahat galhang galkapte Jerusalem ah nei hi.

2 KHANG TANGTHU NIHNATE 17:17

Benjamin sung panin: A thahat a galhang Eliada, thal leh lum a tawi mi tul zanih tawh ahi hi.

2 KHANG TANGTHU NIHNATE 25:5

Tua ciangin Amaziah in Judah mite khawm a, a tul-a ukte leh a za-a ukte khut nuai-ah Judah mi leh Benjamin mite a beh behin a pawl pawlin koih hi. Amah in kum sawmnih leh a tungsiah a pha mite khawm a, galsim dingin a hoih, teipi leh lum a zang thei a, a kitengkhia mihing tul zathum pha hi.

2 KHANG TANGTHU NIHNATE 26:13

Amaute’ ukna nuai-ah galdona ah kumpipa a huh dingin thahatna tawh gal a do thei ding galkap tul zathum leh tul sagih leh zanga om hi.