2 KHANG TANGTHU NIHNATE 14:6 - Tedim Bible

⁶ Tua gamah gal dai ahih manin Judah sungah kulh a nei khuapite lam hi. Topa in ama tungah kilemna pia ahih manin tua kum sungin amah in galdona nei lo hi.

Tedim Bible Revision 2017

⁶ Tua gamah gal dai ahih manin Judah gam sungah kulh a nei khuapite a lam hi. Topa in ama tungah galdaihna hun pia ahih manin tua hun sungin amah in galdona nei lo hi.

2 KHANG TANGTHU NIHNATE 14:6 Referans Kwoze

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong a, tua ciangin amaute in amah mu uh a, Topa in a kiim uhah amaute gal daihna pia hi.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

1 KHANG TANGTHU MASATE 22:9

En in, nangma sung panin tapa khat hong piang ding hi; amah in kilemna mi hi ding hi. Keimah in a kimkot a, a galte khempeuh panin ama tungah kilemna ka pia ding hi; Ama min in Solomon hi ding a, ama hun sungin Isreal tungah kilemna leh daihna ka pia ding hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

1 KUMPI MASATE 5:4

Ahih hangin tu-in Topa ka Pasian in na khempeuh ah tawlngakna kei tungah hong pia hi; hong langpang ahi a, thusia ahi zongin om lo hi.

Thukhente 5:31

“Tua ahih ciangin na gal khempeuh si khin uh hi. Topa! Ahih hangin na lawmte pen a vangliatna tawh a suak ni bang ta hen,” a ci hi. Tua ciangin tua gam in kum sawmli sung tawlngakna nei hi.

Thukhente 3:30

Tua ahih ciangin tua ni-in Moab in Israelte’ khut nuai-a suak hi. Tua gam in kum sawmgiat sung tawlngakna nei hi.

Thukhente 3:11

Tua ahih ciangin a gam in kum sawmli sung tawlngakna hun nei hi. Tua ciangin Kenaz’ tapa Othniel si hi.

Joshua 23:1

Topa in amau’ kim-a om gal khempeuh panin Israel mite tawlngakna a piak khit a sawtpi ciangin Joshua teekin a kum tampi pha hi.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna pia hi.

1 KHANG TANGTHU MASATE 22:13

Tua ciangin Israelte’ adingin Topa in Moses a piak thukhamte leh biakna ngeina kipte zuih ding na kidop nak leh na maa vang ding hi. Thakhauh in la, hang in. Lau kei in; lungkia kei in.

2 KHANG TANGTHU NIHNATE 17:4

Israelte’ gamtat bang hi loin, ama pa’ Pasian zongin ama thupiakna zui hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

2 KHANG TANGTHU NIHNATE 31:21

Amah in Pasian’ inn sung nasepna leh thukham leh thupiaknate tawh kizui-in a hihna ah ama Pasian zongin, a lungsim khempeuh tawh sem a, a ma vang hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.