2 KHANG TANGTHU NIHNATE 14:4 - Tedim Bible

⁴ amau’ pute pate’ Pasian, Topa zongin thukham leh thupiaknate a zuih nadingun Judah mite thu pia hi.

Tedim Bible Revision 2017

⁴ amauʼ pute pateʼ Pasian, Topa zongin thukham le thupiaknate a zuih nadingun Judah mite thu a pia hi.

2 KHANG TANGTHU NIHNATE 14:4 Referans Kwoze

Amos 5:4

Tua ahih manin Topa in Israel mite tungah hih bangin ci hi: Kei hong zong un, tua hi leh na nungta ding uh hi.

Late 119:10

Ka lungsim khempeuh tawh nang kong zong hi; na thupiaknate panin kei hong pialsak kei in!

Nehemiah 13:9

Tua ciangin tua inndei a sian’sak nading uh, leh Pasian inn a, um-le-beelte an tawh biakna leh paknamtui tawh a koih kik nadingun thu ka pia hi.

2 KHANG TANGTHU NIHNATE 33:16

Amah in Topa’ biakna tau zong koih kikin tua tungah thunuam-a biakna leh lungdam kohna pia hi; tua ciangin amah in Israel Pasian, Topa’ na a sep nadingun Judahte thu pia hi.

2 KHANG TANGTHU NIHNATE 30:19

biakinn siangthona ngeina om bangin a sian’ loh uh hangin lungsim tak tawh nang hong biate khempeuh’ mawhna maisak in,” a ci hi.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.

2 KHANG TANGTHU NIHNATE 29:27

Tua ciangin biakna tau tungah meihal biakna a kipiak nading Hezekiah in thu pia hi. Meihal biakna a kipat ciangin Topa’ tungah lasakna zong kipan a, Israel kumpi David’ lasaknate in peengkulte pawm hi.

2 KHANG TANGTHU NIHNATE 29:21

Tua ciangin amaute in kumpigam leh biakinn leh Judah’ adingin khialhna hanga biakna-in bawngtal sagih, tuutal sagih, tuuno sagih, leh keeltal sagih hong paipih uh hi. Tua ciangin amah in Topa’ biakna tau tungah tuate a pia dingin Aaron’ suan siampite sawl hi.

2 KHANG TANGTHU NIHNATE 11:16

Tua ciangin Israel’ Topa Pasian zon’ ding a lungsim uhah a khentat khin mite in amau’ pute pate Pasian, Topa tungah biakna pia dingin Israel minam khempeuh sung panin amau’ nung zui-in Jerusalem ah hong pai uh hi.

1 SAMUEL MASA 3:13

A tapate in Pasian min daisak a, amah in a tate kham lo ahih manin, ama theih a mawhna hangin ama innkuan daan a pia tawntung ding ka hihna ama kiangah ka gen hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

2 KHANG TANGTHU NIHNATE 14:3

Amah in gamdang biaknataute leh mual dawn-a biakpiakna munte la khia-in, khuampite supai-in Asherah milimte phuk a,

2 KHANG TANGTHU NIHNATE 14:5

Amah in Judah khuapi khempeuh panin mual dawn a, biakpiakna munte leh paknamtui biaknataute zong la khia hi. Tua ciangin ama nuai-ah kumpi gam sung gal dai hi.