2 KHANG TANGTHU NIHNATE 14:3 - Tedim Bible

³ Amah in gamdang biaknataute leh mual dawn-a biakpiakna munte la khia-in, khuampite supai-in Asherah milimte phuk a,

Tedim Bible Revision 2017

³ Amah in gamdang biakna taute le mual dawna biakpiakna munte la khia-in, biakna songte supai-in Asherah milimte phuk a,

2 KHANG TANGTHU NIHNATE 14:3 Referans Kwoze

Thu-hilhkikna 7:5

Note in amau tungah hih bangin na gamta ding uh hi: a biakna taute uh phelsakin, a khuampite uh deeng zanin, amau’ Asherah milimte phuk sakin, a kiseek a milimte uh mei tawh na hal ding uh hi.

2 KUMPI NIHNATE 23:14

Tua ciangin amah in a khuampite satkhamin, Asherah milimte phuk a, mihing guh tawh a dim tua munte a vuk hi.

Paikhiatna 34:13

Nangmah in amau’ biakna taute phelin, amau’ khuamte kuaitanin, amau’ Asherah milimte na phukpai ding hi.

2 KHANG TANGTHU NIHNATE 15:17

Ahih hangin Israel gam sung panin mualdawn a, biak piaknate kila khia lo hi. Ahi zongin ama hun sung tawntung Asa’ lungsim paubaang lo hi.

2 KHANG TANGTHU NIHNATE 34:4

Tua ciangin amah in Baalte’ biakna taute ama muhna ah supai sak hi; tua ciangin amah in tuate tungah a om paknamtui biakna taute phuk hi; tua ciangin amah in Asherah milimte, leh a kiseek leh a kisung milimte sukhamin gawivui a, tuate tungah biakna a pia mite’ han tungah theh hi.

2 KUMPI NIHNATE 23:6

Tua ciangin amah in Topa’ inn panin Jerusalem pualam, Kidron lui-ah Asherah milim paikhiatpih-in Kidron lui-ah hal a, tua ciangin amah in sat vui-in mi nautangte’ han tungah a vuite lawn hi.

2 KUMPI NIHNATE 18:4

Amah in mual tunga biaknate hemkhia-in, khuampite sutan a, Asherah milim phuk pai hi. Tua ciangin amah in Moses’ bawlsa sumngo gulpi satnen hi; bang hang hiam cih leh tua ni dongin Israel mite in tua tungah paknamtui hal uh hi; tua pen Nehushtan kici hi.

Thu-hilhkikna 7:25

A kiseek amau pasian milimte mei tawh na hal ding uh hi; tua nate ah na awk khak loh nadingun amaute tunga a om kham leh ngun, deihgawh loin, note adingin na la kei ding uh hi; bang hang hiam cih leh tua in Topa na Pasian uh tungah a kihhuai ahi hi.

Siampi Laibu 26:30

Keimah in mual dawn-a na biaknate uh susia-in, na paknamtui biakna taute uh phukin, na milim’ siluang hawmte uh tungah na luanghawmte uh ka paii ding hi; keimah in note kong kih ding hi.

2 KHANG TANGTHU NIHNATE 14:2

Tua ciangin Asa in ama Pasian, Topa’ mit-ah a hoih leh a man na sem hi.

2 KHANG TANGTHU NIHNATE 14:4

amau’ pute pate’ Pasian, Topa zongin thukham leh thupiaknate a zuih nadingun Judah mite thu pia hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

2 KHANG TANGTHU NIHNATE 33:16

Amah in Topa’ biakna tau zong koih kikin tua tungah thunuam-a biakna leh lungdam kohna pia hi; tua ciangin amah in Israel Pasian, Topa’ na a sep nadingun Judahte thu pia hi.