2 KHANG TANGTHU NIHNATE 13:18 - Tedim Bible

¹⁸ Judah mite in a pu a pate uh Pasian, Topa suang uh ahih manin gualzo uh a, tua hunin Israel mite kizo hi.

Tedim Bible Revision 2017

¹⁸ Judah mite in a pu a pate uh Pasian, Topa suang uh ahih manin gualzo uh a, tua hunin Israel mite kizo hi.

2 KHANG TANGTHU NIHNATE 13:18 Referans Kwoze

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

1 KHANG TANGTHU MASATE 5:20

amaute a do dingin huhna a ngah uh ciangin Hagri mite leh amau tawh a pawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in amah muang ahih manin amah in amaute’ thuumna pia hi.

Nahum 1:7

Topa hoih hi; lungkham hunin a mite huh a, amah a bel mite lim takin kem hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

2 KUMPI NIHNATE 18:5

Amah in Israel Pasian, Topa muang hi; tua ahih ciangin ama nung a, Judah kumpite khempeuh lak hita leh ama mai-ate lak hita leh amah tawh a kibang kuamah om lo hi.

Efesa 1:12

Tua bang ahihna in Khazih hanga a muang zo eite in a vangliatna phat dingte i suah na’ng hi.

2 KHANG TANGTHU NIHNATE 13:17

Abijah leh a mite in amaute tampi tak that uh hi; tua ahih ciangin Israel mi a kitengkhia mihing tul zanga a kithatin tuk hi.

2 KHANG TANGTHU NIHNATE 13:19

Tua ciangin Abijah in Jeroboam delh a, ama tung panin khuapite, Beth-el a khuaneute tawh, Jeshanah a khuaneute tawh, leh Efron a khuaneute tawh la hi.

2 KHANG TANGTHU NIHNATE 14:10

Tua ciangin amah a dawntuah dingin Asa kuankhia a, Zefathah leh Mareshah kuamah galdo nading pan’na bawl uh hi.

Late 25:2

Ka Pasian aw, nang kong muang hi, hong zahhuaisak kei in; ka galte ka tungah gualzo-in lungdam sak kei in.