2 KHANG TANGTHU NIHNATE 13:16 - Tedim Bible

¹⁶ Judah mite’ mai-ah Israel mite tai uh a, Pasian in amau’ khut sungah amaute pia hi.

Tedim Bible Revision 2017

¹⁶ Judah miteʼ mai ah Israel-te tai uh a, Pasian in amauʼ khut sungah Israel-te a pia hi.

2 KHANG TANGTHU NIHNATE 13:16 Referans Kwoze

2 KHANG TANGTHU NIHNATE 16:8

Ethiopia mite leh Libia mite in leeng tampi tak leh sakol tung tuang tampi tak tawh a om galkap tampi hilo ahi hiam? Ahi zongin Topa suang na hih manin, amah in na khut sungah amaute hong pia hi.

1 SAMUEL MASA 23:7

Keilah ah David a tun’ khitna thu tu-in Saul kiangah kigen hi. Saul in, “Pasian in ka khut sungah amah hong pia khin hi; bang hang hiam cih leh kulh kongpi leh a kalhna zawl a nei khua sungah lutna tawh amahmah kikhaknelh hi,” a ci hi.

Thukhente 11:21

Topa, Israelte Pasian in Sihon leh a mite khempeuh Israelte’ khut sungah pia a, amaute in zo uh hi; tua ahih ciangin tua gam sunga teeng Amor mite’ leitang khempeuh Israelte in luah uh hi.

Thukhente 1:4

Tua ciangin Judah paito a, Topa in amaute khut sungah Kanaan mite leh Perez mite pia hi; amaute in Bezek-ah tua mite tulsawm zo uh hi.

Joshua 21:44

Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna pia hi; Topa in a galte khempeuh uh amau khut sungah pia ahih manin a galte uh khatbeek in zong amaute nang zo lo hi.

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen hi; amah in Israelte’ muhna-ah, “Ni aw, Gibeon ah, nang kha aw, Aijalon kuam ah ding cip in,” a ci hi.

Thu-hilhkikna 3:3

Tua ahih ciangin Topa i Pasian in eite khut sungah Bashan kumpipa Og leh a mite khempeuh zong hong pia hi; ama adingin mi khat beek a suakta nawn lo dingin i vatmai hi.

Thu-hilhkikna 2:36

Arnon kuam mong a, a om Aroer leh tua kuam sunga om khuapi Gilead ciang dongah eite adingin khuapi a hat lua khat beek om lo hi; Topa i Pasian in a vekpi-in eite khut sungah hong pia hi.

Piancilna 14:20

na galte na khut sungah a hong pia, Sang Pen Pasian in thupha ngah hen!” ci hi. Abram in na khempeuh seh-sawm-suah-seh-khat ama' tungah pia hi.

2 KHANG TANGTHU NIHNATE 13:17

Abijah leh a mite in amaute tampi tak that uh hi; tua ahih ciangin Israel mi a kitengkhia mihing tul zanga a kithatin tuk hi.