2 KHANG TANGTHU NIHNATE 13:15 - Tedim Bible

¹⁵ Tua ciangin Judah mite in a galdona aw kiko uh hi. Judah mite a kiko uh ciangin Abijah leh Judah mite’ mai-ah Pasian in Jeroboam leh Israel khempeuh zo hi.

Tedim Bible Revision 2017

¹⁵ Tua ciangin Judah mite in galdona aw kiko uh hi. Judah mite a kiko uh ciangin Abijah le Judah miteʼ mai ah Pasian in Jeroboam le Israel khempeuh zo hi.

2 KHANG TANGTHU NIHNATE 13:15 Referans Kwoze

2 KHANG TANGTHU NIHNATE 14:12

Tua ahih ciangin Topa in Asa leh Judah mite mai-ah Ethiopia mite zo a, tua ciangin Ethiopia mite tai uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Late 47:5

Aw ging tawh Pasian paito a, pengkul aw tawh Topa paito hi.

Late 47:1

Mi khempeuh aw, na khut uh beeng un! Lungdamna la nakpi-in sa-in Pasian phat un.

2 KHANG TANGTHU NIHNATE 20:21

Amah in mite tawh thu a kikup khit ciangin, galkapte mai-ah amaute a pai kawmin, “ Topa tungah lungdamna ko un, bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte seh hi.

2 KUMPI NIHNATE 5:1

Siria kumpipa’ galkap a uk Na-aman in a topa tawh milian khat hi-in maipha lianpi a ngah mi ahi hi; bang hang hiam cih leh Topa in ama hangin Siria mite gualzawhna pia hi. Amah in a thahat a vanglian khat hi a, ahih hangin amah in a phak ahi hi.

Thukhente 4:15

Topa in Barak mai-ah Sisera leh a leengte khempeuh leh a galkapte khempeuh taisak hi; tua ciangin Sisera a leeng tung pan tuakin a khe-in tai hi.

Joshua 11:8

Topa in Israelte khut sungah amaute pia a, amaute in vat gawpin a Lian Sidon leh Misrefothmaim ciang dong, leh nisuahna lamah Mizpah kuam ciang dong delh uh hi; amaute kuamah a om nawn lo dongin vatgawp uh hi.

Joshua 6:20

Tua ahih ciangin mite awng a, peengkulte kitum hi. Mite in peengkul aw a zak phetun nakpi takin awng uh a, kulhpi cim mai-in, mi khempeuh amau mai ciatah tang takin khuapi sungah pai uh a, khuapi la uh hi.

Joshua 6:16

A sagihveina-ah, siampite in peengkul a tum ciangin Joshua in mite kiangah, “Awng un; bang hang hiam cih leh Topa in khuapi note hong pia zo hi.

Gamlak-vakna 32:4

Topa in Israel mihonte’ mai-ah a suksiat gamte in gan gam hi a; na nasem kote in gam ka nei uh hi,” a ci uh hi.

2 KHANG TANGTHU NIHNATE 18:31

Leeng galkap a ukte in Jehoshafat a muh uh ciangin, “Israel kumpipa hi,” a ci uh hi. Tua ahih ciangin amah do dingin amaute kihei uh hi; tua ciangin Jehoshafat kikokhia a, Topa in amah huh hi. Pasian in ama kiang panin amaute kaikhia hi;

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

2 KHANG TANGTHU NIHNATE 20:22

Amaute in la sa-in phat ding a kipat uh ciangin, Judah mite do dingin a hong pai Ammon mite, Moab mite, leh Seir Mual gam mite a pangsim ding Topa in koih a, amaute kizo hi.