2 KHANG TANGTHU NIHNATE 13:12 - Tedim Bible

¹² En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

Tedim Bible Revision 2017

¹² En un, koteʼ lutangin kote tawh Pasian hong om khawm a, note a do ding sapna peengkul a tum dingin a siampite a galkap peengkulte uh tawh hong om uh hi. Israel mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

2 KHANG TANGTHU NIHNATE 13:12 Referans Kwoze

Sawltak 5:39

ahih hangin Pasian’ hanciamna ahih leh, amaute na siasak zo kei ding uh hi. Bang hang hiam na cih uh leh, Pasian tawh na kido loh nadingun na kikem un,” a ci hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Zekhariah 10:5

Kongzing buannawng lakah, a galte a tuancil gawp galkapte bangin, amaute gualzo ding uh a, Topa in a ompih manin amaute in galdo ding uh a, a galte’ sakol galkapte zo gawp ding uh hi.

Hebru 2:10

Bang hang hiam na cih uh leh, ta tampite vanglian nopsakna-ah a khak nadingin, tua mite’ gupna a piangsakpa in gimna a thuakna hangin kicin’na a tun’ nadingin na khempeuh bawl a, a uk Pasian in a kilawm hi.

Ezekiel 17:9

“Tua ahih ciangin Topa Pasian ahi keimah in ka dot nop thu in, ‘Hih leenggui hingin khang zo ding ahi hiam? Muvanlai masa pen in zung bawhin, a gahte zut khia-in, a hiangte kuaitanin, keutumsak ding hilo ahi hiam?’ cihna ahi hi. Tua leenggui bawh khiatna dingin thahatna ahi a, minam lianpi ahi zongin kisam lo hi.

Jeremiah 50:24

Babilon khua aw, nang thang kong siah a, na awk pah hi; nang lah na thei kei hi. Topa langpang na hih manin, nang hong kimu-in hong kiman hi.

Jeremiah 2:37

Nangmah in zong tua gam panin maizumna tawh na lu tungah khut koih sa-in nong paikhia ding hi; bang hang hiam cih leh na muan’ mite Topa in ka nial zo-a, amaute’ hangin na zo ngei kei ding hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Isaiah 45:9

“Amah a Bawlpa tawh a kido mipa, beel seekpa tawh a kido lei beel in gimna ngah ta hen! Tungman in amah a seekpa kiangah, ‘Nang in bang bawl na hi hiam, na nasep in khut nei lo hi,’ ci-in a thu sel ngam ahi hiam?

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Late 20:7

Pawlkhat in leengte kihihsak pih-a, pawlkhat in sakolte kihihsak pih hi; ahih hangin eite in Topa i Pasian’ min i kihihsak pih hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

2 KHANG TANGTHU NIHNATE 24:20

Tua ciangin siampi Jehoiada’ tapa Zekhariah’ sungah Pasian’ Kha hong lut hi; tua ciangin amah ding-in mite en sukin mite kiangah, “Pasian in hih bangin ci hi, ‘Bang hangin na mavan’ theih loh nadingun Topa’ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.

Thu-hilhkikna 28:29

mittaw in khuamial lakah khua a zawt bangin sun-in khua na zawt ding uh a, na hihnate uhah na mavang kei ding uh hi; note hong kinengniamin na nate uh hong kisut niloh ding a, note hong huh ding kuamah om lo ding hi.

Thu-hilhkikna 20:4

bang hang hiam cih leh note tungah gualzawhna a hong pia ding, na langte uh hong dosak dingin note tawh hong paikhawmpa in Topa na Pasian uh ahi hi,’ ci ding hi.

Gamlak-vakna 31:6

Moses in amaute’ minam khat panin tul khat ciat leh biakinn nate leh pataukoh nadingin peengkulte siampi Eleazar’ tapa Finehas kengsakin gal sungah kuansak khawm hi.

Gamlak-vakna 23:21

Amah in Jakob mite sungah mawhna mu lo hi; amah in Israel mite sungah zong gamtat siatna mu lo hi. Topa amau’ Pasian in amaute tawh om a, kumpipa phatna awging amaute’ lakah om hi.

Gamlak-vakna 14:41

Ahih hangin Moses in, “Bang hangin tu-in Topa’ thupiakna palsat na hi uh hiam, tangtung lo ding hilo ahi hiam?

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

2 KHANG TANGTHU NIHNATE 32:8

Amah tawh mihing thatang om hi; ahih hangin eite hong huhin i gal hong dosak dingin Topa i Pasian in eite tawh hong om hi,” a ci hi. Tua ciangin mite in Judah kumpipa Hezekiah’ kammalte muang uh hi.