2 KHANG TANGTHU NIHNATE 13:10 - Tedim Bible

¹⁰ Ahih hangin kote ahih leh, Topa ka Pasian uh hi a, amah ka nusia kei uh hi. Topa’ na a sem, Aaron’ suan ahi siampite leh amau’ nasepna ah a huh dingin Levi mite ka nei uh hi.

Tedim Bible Revision 2017

¹⁰ “Ahih hangin kote ahihleh, Topa pen ka Pasian uh hi a, amah ka nusia kei uh hi. Topaʼ na a sem, Aaronʼ suan ahi siampite le amauʼ nasepna ah a huh dingin Levi mite ka nei uh hi.

2 KHANG TANGTHU NIHNATE 13:10 Referans Kwoze

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Gamlak-vakna 16:40

Topa in Moses tung tawnin Eleazar tungah a gen bangin Korah leh a pawlte tawh a kibang kha lo dingin, siampi ahi lo, Aaron, suan leh khakte ahi lo mi peuhmah in Topa’ mai-ah paknamtui hal dingin a pai loh nading, Israel mite tungah phawksakna khat ahi hi.

2 KHANG TANGTHU NIHNATE 13:9

Note in Aaron’ suan, Topa’ siampite, leh Levi mite hawlkhia-in, gamdang mite bangin note’ adingin siampite bawl khin hilo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian a hilote’ siampi suak pahpah hi.

2 KHANG TANGTHU NIHNATE 13:11

Amaute in Topa’ tungah zing leh nitak simin meihal biaknate leh a namtui nate ahi paknamtui pia a, kham citak sabuai tungah Ompihna Anlum koihin, nitak simin a meivakte a kuan’ nadingin kham meivakkhuamte don uh hi; bang hang hiam cih leh kote in Topa ka Pasian uh hong sawlnate ka zui uh a, ahih hangin note in amah na nusia uh hi.

Gamlak-vakna 1:53

ahih hangin Israel mi honte tungah hehna a om loh nadingin teci pan’na biakbuk kiim-ah Levi mite in phual sat ding uh hi; Levi mite in teci pan’na biakbuk kem ding uh hi,” a ci hi.

Joshua 24:17

bang hang hiam cih leh salsuahna Izipt gam panin eite leh i pu i pate hong pai khiatpih, eite’ muhna-ah tua lim liante a bawl, i paina lampi khempeuh leh i nawk mite khempeuh lakah hong kempa in Topa i Pasian ahi hi;

Nehemiah 13:30

Tua bangin gamdang tawh a kizom nate khempeuh panin amaute ka siangsak a, siampite leh Levi mite a nasep ngei mah uh ka semsak kik hi.