2 KHANG TANGTHU NIHNATE 12:15 - Tedim Bible

¹⁵ Tu-in Rehoboam gamtatnate, a kipatna pan a tawpna dong, kamsang Shemaiah leh thu-mupa Iddo’ khang tangthu sungah kigelh hilo ahi hiam? Rehoboam leh Jeroboam kikalah gal kidona om tawntung hi.

Tedim Bible Revision 2017

¹⁵ Tu-in Rehoboamʼ gamtatnate, a kipatna pan a tawpna dong, Kamsang Shemaiah le Thumu pa Iddoʼ Khang Tangthu sungah kigelh hi. Rehoboam le Jeroboam kikalah gal kidona om tawntung hi.

2 KHANG TANGTHU NIHNATE 12:15 Referans Kwoze

2 KHANG TANGTHU NIHNATE 9:29

Tu-in Solomon’ gamtatna a om laite, a kipatna pan a tawp dong, kamsang Nathan’ tangthu sung, leh Shiloh khua mi Ahijah’ thugen kholhna sung, leh Nebat’ tapa Jeroboam’ thu tawh kisai-in thu-mupa Iddo’ mangmuhna sungah kigelh hilo ahi hiam?

2 KHANG TANGTHU NIHNATE 12:5

Tua ciangin Shishak’ huhau-in Jerusalem ah a kikhawm Rehoboam leh Judah uliante kiangah kamsang Shemaiah hong pai-in amaute kiangah, “Topa in hih bangin ci hi: ‘Note in kei nong nusia uh hi; tua ahih ciangin Shishak’ khut sungah note kong pia khin hi,’ ci hi,” a ci hi.

2 KHANG TANGTHU NIHNATE 13:22

Abijah’ gamtatna a om laite, ama ziate leh ama thugente, kamsang Iddo’ tangthu sungah kigelh hi.

1 KUMPI MASATE 12:22

Ahih hangin Pasian’ mi Shemaiah tungah Pasian’ thu hong tung hi;

2 KHANG TANGTHU NIHNATE 11:2

Ahih hangin Pasian’ mi Shemaiah tungah Topa’ thu hong tung hi:

1 KHANG TANGTHU MASATE 29:29

Tu-in Kumpi David’ gamtatnate a patna pan a tawpna dongin, thu-mupa Samuel’ Khang Tangthu sung, leh kamsang Nathan’ Khang Tangthu sung, leh thu-mupa Gad’ Khang Tangthu sungah,

2 KHANG TANGTHU NIHNATE 13:1

Kumpi Jeroboam’ uk kum sawm-le-giatna kumin Abijah in Judah tungah uk ding kipan hi.

2 KHANG TANGTHU NIHNATE 13:2

Amah in Jerusalem ah kumthum sung uk hi. Ama nu’ min in Mikaiah hi a, Gibeah khuami Uriel’ tanu ahi hi. Tu-in Abijah leh Jeroboam kikalah gal kidona om hi.

2 KHANG TANGTHU NIHNATE 16:11

Asa’ gamtatnate, a patna pan a tawpna dong, Judah leh Israel Kumpite’ Laibu sungah kigelh hi.

2 KHANG TANGTHU NIHNATE 20:34

Tu-in Jehoshafat’ gamtatna a om laite, a patna pan a tawp dongin, Israel Kumpite’ Laibu sunga a kiciamteh, Hanani’ tapa Jehu’ khang tangthu sungah kigelh hi.

2 KHANG TANGTHU NIHNATE 28:26

Tu-in ama gamtatna a om laite leh a omzia khempeuh, a patna panin a tawpna dong, en in, Judah leh Israel Kumpite’ Laibu sungah kigelh hi.

2 KHANG TANGTHU NIHNATE 35:27

leh ama gamtatna, a masa leh a nunung, en in, Israel leh Judah Kumpite’ Laibu sungah kigelh hi.