2 KHANG TANGTHU NIHNATE 12:13 - Tedim Bible

¹³ Tua ahih ciangin kumpi Rehoboam amahmah Jerusalem ah kikipsakin uk hi. Rehoboam in uk ding a kipatin kum sawmli-le-khat pha a, Israel minam khempeuh sung panin a min koih nadingin Topa in a teelkhiat khuapi Jerusalem ah amah in kum sawm-le-sagih sung uk hi. Ama nu’ min in Naamah hi a, Ammon mi ahi hi.

Tedim Bible Revision 2017

¹³ Tua ahih ciangin Kumpi Rehoboam a mahmah Jerusalem ah kikipsakin a uk hi. Rehoboam in uk ding a kipatin kum sawm nih le khat pha a, Israel minam khempeuh sung panin a min koih nadingin Topa in a teelkhiat khuapi Jerusalem ah amah in kum sawm le kum sagih sung a uk hi. Ama nuʼ min Naamah hi a, Ammon mi ahi hi.

2 KHANG TANGTHU NIHNATE 12:13 Referans Kwoze

1 KUMPI MASATE 14:21

Tu-in Solomon’ tapa Rehoboam in Judah ah uk hi. Gam uk dingin a kipatin Rehoboam kum sawmli-le-khat pha a, a min koih nadingin Topa in Israel minam khempeuh sung panin a teelkhiat khuapi Jerusalem ah amah in kum sawm-le-sagih sung uk hi. Ama nu a min in Na-amah hi a, Ammon mi ahi hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi;

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Nehemiah 13:26

Israel kumpipa Solomon zong tua bang numeite’ hangin khial hilo ahi hiam? Minam tampite lakah amah tawh a kibang kumpi khat zong om lo a, ama Pasian in amah itin, Israel khempeuh tungah kumpi-in amah koih hi; ahita zongin gamdang numeite in amah nangawn khialsak hi.

Nehemiah 13:1

Tua ciangin amaute in mipi’ zakin Moses’ laibute sim uh a, Pasian’ mite’ kikhopna ah Ammon mi leh Moab mite a kihel ngei loh nading thu kiphawk khia hi;

2 KHANG TANGTHU NIHNATE 13:7

Rehoboam khangno lai a, thu khentat thei nai loin, amaute a nial zawh nai loh hun lai takin mi gina lo honkhat Solomon’ tapa Rehoboam’ kiimah kikhawmin amah dem uh hi.

1 KUMPI MASATE 11:1

Tu-in Kumpi Solomon in gamdang numei tampi ngai hi; Faro’ tanu, leh Moab mi, Ammon mi, Edom mi, Sidon mi, leh Hit numeite,

Thu-hilhkikna 23:3

“Ammon mite ahi a, Moab mite ahi zongin Topa ading kikhopna sungah lut lo ding uh hi; a khang sawmna dong nangawnun Topa ading kikhopna sungah lut thei ngei peuhmah lo ding uh hi;

Thu-hilhkikna 12:11

Topa na Pasian un ama min a teen’ nading muna a teelna munah note kong sawl khempeuh na paipih ding uh hi; na meihal biaknate uh leh na biak piaknate uh, note in na piakna sehsawm suah sehkhat uh leh na piakte uh leh Topa tungah na ciam uh na thuciam piaknate uh na paipih ding uh hi.

Paikhiatna 20:24

Note in keima' adingin lei tawh kibawl biakna tau khat na bawl ding uh a, tua tungah na meihal biaknate uh leh thunuam-a na biaknate uh, na tuute leh na bawngtalte uh pia un; keima' min a kiphawk nading mun-a ka bawlna peuhmah-ah note' kiangah keimah hong pai-in note thupha kong pia ding hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

1 KUMPI MASATE 11:36

Ahi zongin ka min koih nadingin ka teelsa khuapi Jerusalem ah ka nasempa David in keima mai-ah suan leh khak a neih tawntung theih nadingin a tapa tungah minam khat ka pia ding hi.