2 KHANG TANGTHU NIHNATE 12:12 - Tedim Bible

¹² Amah in a kiniamkhiat ciangin siat cimitna a pian’ loh nadingin ama tung panin Topa’ hehna kiheikhia hi; tua tham loin Judah gam sungah thu-paizia zong hoihsak hi.

Tedim Bible Revision 2017

¹² Amah a kiniamkhiat ciangin siat cimitna a pian loh nadingin ama tung pan Topaʼ hehna kihei khia hi. Tua tham loin Judah gam sungah thu paizia zong hong hoihsak hi.

2 KHANG TANGTHU NIHNATE 12:12 Referans Kwoze

2 KHANG TANGTHU NIHNATE 19:3

Ahi zongin nang na hoihna khat om hi; bang hang hiam cih leh nangmah in gam sung panin Asherah milimte susia-in Pasian zon’ ding na lungsimah na ngaihsun hi,” a ci hi.

1 KUMPI MASATE 14:13

Tua ciangin Israel khempeuh ama hangin kapin vui ding uh hi; bang hang hiam cih leh Israel Pasian, Topa tungah a lungkimhuai na khat Jeroboam innkuan sung panin ama tungah kimu ahih manin Jeroboam sung panin amah bek hanah pai ding hi.

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.

Kah la 3:42

“Topa aw ka khial khin uh a, nang hong lehdo kha ka hih manun ka mawhna uh na hong maisak kei hi.

Kah la 3:33

Dahna gimna a hong thuaksak ciangin amah lungdam pah sam lo hi.

Kah la 3:22

A bei thei lo Topa hong itna leh a hehpihna in a kizom paisuak hi a,

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Piancilna 18:24

Gentehna-in, khuapi sungah thuman mi sawmnga om leh; tua sunga om thuman mi sawmngate’ hangin khah loin tua mun susia teitei ding na hi hiam?

2 KHANG TANGTHU NIHNATE 12:11

Topa’ innah kumpipa a pai simin a cingte hong pai-in tuate keng uh a, tua ciangin cin’na inndei sungah tuate koih kik uh hi.