2 KHANG TANGTHU NIHNATE 12:1 - Tedim Bible

¹ Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

Tedim Bible Revision 2017

¹ Rehoboamʼ ukna kipin a thahat ciangin, amah a kipan amah tawh a om Israel mi khempeuh in Topaʼ thukham nusia uh hi.

2 KHANG TANGTHU NIHNATE 12:1 Referans Kwoze

2 KHANG TANGTHU NIHNATE 11:17

Amaute in Judah kumpi gam thakhauh sak uh a, amaute in Solomon’ tapa Rehoboam lungmuangin kum thum sung koih uh hi; bang hang hiam cih leh kum thum sung David leh Solomon’ thu zui-in amaute gamta uh hi.

2 KHANG TANGTHU NIHNATE 12:13

Tua ahih ciangin kumpi Rehoboam amahmah Jerusalem ah kikipsakin uk hi. Rehoboam in uk ding a kipatin kum sawmli-le-khat pha a, Israel minam khempeuh sung panin a min koih nadingin Topa in a teelkhiat khuapi Jerusalem ah amah in kum sawm-le-sagih sung uk hi. Ama nu’ min in Naamah hi a, Ammon mi ahi hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Hosea 13:1

Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

2 KHANG TANGTHU NIHNATE 11:3

“Judah kumpi Solomon’ tapa Rehoboam leh Judah leh Benjamin sunga om Israel khempeuh tungah gen in,

2 KUMPI NIHNATE 17:19

Judah mite in zong Topa a Pasian uh thupiaknate zui loin Israel mite in a phuah tawm ngeinate zuihpih uh hi.

1 KUMPI MASATE 12:17

Ahih hangin Rehoboam in Judah khuapite sungah a teeng Israel mite uk hi.

1 KUMPI MASATE 9:9

Tua ciangin amaute in, “Izipt gam panin a pu a pate uh a paikhiatpih Topa a Pasian uh amaute in nusia-in, pasian dangte len uh a, tuate bia-in a na a sepna uh hang ahi hi; tua ahih ciangin Topa in hih siatna khempeuh amaute tungah tungsak hi,’ ci ding uh hi,” a ci uh hi.

Thu-hilhkikna 32:18

Note a hong Honkhiapa na phawk kei uh a, note hong suaksak Pasian na mangngilh uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

2 KHANG TANGTHU NIHNATE 11:23

Amah pil gamtat a, Judah leh Benjamin gam sung, kulh nei khuapite khempeuh ah a tapa pawlkhat khen hi; amah in amaute tungah na tampi pia a, amaute’ adingin zi zon’sak hi.

Thukhente 2:15

Amaute, galsim dingin a kuan khit peuhmah uh ciangin, Topa in a hilhkholhsa leh Topa in amaute tungah a kiciamsa bangin amaute lang khatah a sia lamin Topa pang hi; tua ahih ciangin amaute in lungkhamna tuak uh hi.

1 KUMPI MASATE 14:21

Tu-in Solomon’ tapa Rehoboam in Judah ah uk hi. Gam uk dingin a kipatin Rehoboam kum sawmli-le-khat pha a, a min koih nadingin Topa in Israel minam khempeuh sung panin a teelkhiat khuapi Jerusalem ah amah in kum sawm-le-sagih sung uk hi. Ama nu a min in Na-amah hi a, Ammon mi ahi hi.

2 KHANG TANGTHU NIHNATE 24:18

Tua ciangin amaute in a pu a pate uh’ Pasian, Topa’ biakinn nusia uh a, Asherahte leh milimte’ na sem uh hi. Hih amau’ mawhna hangin Judah leh Jerusalem tungah Pasian’ hehna hong tung hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.