2 KHANG TANGTHU NIHNATE 11:10 - Tedim Bible

¹⁰ Zorah, Aijalon, leh Hebron, Judah leh Benjamin gam sunga om kulh a nei khuapite lam hi.

Tedim Bible Revision 2017

¹⁰ Zorah, Aijalon le Hebron, Judah le Benjamin gam sunga om kulh a nei khuapite a lam hi.

2 KHANG TANGTHU NIHNATE 11:10 Referans Kwoze

2 SAMUEL NIHNA 2:11

Judah minamte tungah kumpi-in Hebron khua-ah David a om hun in kum sagih leh kha guk sung ahi hi.

Joshua 20:7

Tua ahih ciangin amaute in Naftali mualtung gam sunga om Galile gam sung panin Kedesh khua, Efraim mualtung gam sungah Shekhem khua, leh Judah mualtung gam sungah Kiriatharba (Hebron a cihna) khuate tuam koih uh hi.

Joshua 15:33

Tua ciangin lei niamna lamah Eshtaol, Zorah, Ashnah,

Joshua 14:14

Tua ahih ciangin amah in Topa, Israelte’ Pasian, lungsim tak tawh zui ahih manin tu ni dongin Hebron in Kenaz mi Jefunneh’ tapa Kaleb’ gamh suak hi.

Gamlak-vakna 13:22

Amaute Negeb lamah paito uh a, Hebron tung uh hi; Anak’ suan leh khakte ahi Ahiman mite, Sheshai mite leh Talmai mite, tua lai-ah na om uh hi. (Hebron pen Izipt gamah Zoan a kisat ma kum sagih lai-in kisat hi).

Piancilna 23:2

Kanaan mite’ gamsung Kiriatharba (Hebron) ah Sarah si hi. Abraham dahin kap a, a vui nading vaihawm hi.

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen hi; amah in Israelte’ muhna-ah, “Ni aw, Gibeon ah, nang kha aw, Aijalon kuam ah ding cip in,” a ci hi.

Joshua 10:36

Tua ciangin Joshua, Israelte khempeuh tawh Eglon panin Hebron-ah paito hi; amaute in tua khua simin,

2 KHANG TANGTHU NIHNATE 11:9

Adoriam, Lakhish, Azekah,

2 KHANG TANGTHU NIHNATE 11:11

Amah in mun muanhuaite a muanhuai-in bawlin, tuate sungah a ukte, leh an, sathau, leh leenggahzu koih hi.

Joshua 15:13

Topa in Joshua tungah a thupiak bangin Jefunneh’ tapa Kaleb tungah amah in Judah mite lakah tanh khat Kiriath-arba, Hebron a cihna, (Arba in Anak’ pa hi) pia hi.

2 SAMUEL NIHNA 2:1

Hih hun khit ciangin David in Topa thu dong a, “Judah khuapi khat peuhpeuhah ka paito ding hiam?” a ci hi. Topa in ama kiangah, “Paito in,” a ci hi. David in, “Koi pen-ah paito ding ka hi hiam?” a ci hi. Amah in, “Hebron ah,” a ci hi.

2 KHANG TANGTHU NIHNATE 28:18

Tua ciangin Filistiate in Shefelah leh Judahte’ Negeb gam sung khuapite luh uh a, Bethshemesh, Aijalon, Gederoh, Soko a khuaneute tawh, Timnah a khuaneute tawh, leh Gimzo a khuaneute tawh la hi; tua ciangin amaute tua lai munah teeng uh hi.