2 KHANG TANGTHU NIHNATE 10:17 - Tedim Bible

¹⁷ Ahih hangin Judah khuapite ah a teeng Israel mite tungah Rehoboam in uk hi.

Tedim Bible Revision 2017

¹⁷ Ahih hangin Judah khuapite ah a teeng Israel mite tungah Rehoboam in a uk hi.

2 KHANG TANGTHU NIHNATE 10:17 Referans Kwoze

2 KHANG TANGTHU NIHNATE 11:1

Jerusalem ah Rehoboam hong tun’ ciangin a kumpi gam a ngah kik nadingin Israelte a do dingin amah in Judah minam leh Benjamin minam a kitengkhia galhang mihing tul zakhat leh tul sawmgiat kaikhawm hi.

1 KUMPI MASATE 12:17

Ahih hangin Rehoboam in Judah khuapite sungah a teeng Israel mite uk hi.

1 KUMPI MASATE 11:36

Ahi zongin ka min koih nadingin ka teelsa khuapi Jerusalem ah ka nasempa David in keima mai-ah suan leh khak a neih tawntung theih nadingin a tapa tungah minam khat ka pia ding hi.

2 KHANG TANGTHU NIHNATE 10:16

Kumpipa in amaute’ thu a ngaih lohna Israel khempeuh in a muh uh ciangin, mite in kumpipa dawngin, “David’ sungah kote in bang ngah nei ka hi uh hiam? Jessi’ tapa’ sungah gamluah ka nei kei uh hi. Israelte aw, na inn ciat uhah ciah un, Rehoboam in ama ading vaihawm tawm hen,” a ci uh hi. Tua ahih ciangin Israel khempeuh a inn ciat uhah kihem uh hi.

2 KHANG TANGTHU NIHNATE 10:18

Tua ciangin kumpi Rehoboam in aana tawh na kisemsakte a uk nasep ukpa Hadoram Israelte kiangah sawl a, Israel mite in suang tawh amah na denglum uh hi. Tua ciangin Jerusalem ah a tai dingin kumpi Rehoboam a leeng tungah tuang dingin nawhtat hi.

Ezekiel 37:16

“Ezekiel aw, sing ciangkhut khat la in la, a tungah, ‘Judah kumpi gam’, ci-in gelh in. Tua ciangin adang khat la leuleu in la, a tungah, ‘Israel kumpi gam’, ci-in gelh leuleu in.

2 KHANG TANGTHU NIHNATE 11:3

“Judah kumpi Solomon’ tapa Rehoboam leh Judah leh Benjamin sunga om Israel khempeuh tungah gen in,

2 KHANG TANGTHU NIHNATE 11:12

Tua ciangin amah in khuapi khempeuh ah lum leh tei koih a, a muanhuai mahmahin bawl hi. Tua ahih ciangin Judah gam leh Benjamin ama aa suak hi.