2 KHANG TANGTHU NIHNATE 10:16 - Tedim Bible

¹⁶ Kumpipa in amaute’ thu a ngaih lohna Israel khempeuh in a muh uh ciangin, mite in kumpipa dawngin, “David’ sungah kote in bang ngah nei ka hi uh hiam? Jessi’ tapa’ sungah gamluah ka nei kei uh hi. Israelte aw, na inn ciat uhah ciah un, Rehoboam in ama ading vaihawm tawm hen,” a ci uh hi. Tua ahih ciangin Israel khempeuh a inn ciat uhah kihem uh hi.

Tedim Bible Revision 2017

¹⁶ Kumpipa in amauteʼ thu a ngaih lohna Israel mi khempeuh in a muh uh ciangin mite in kumpipa dawngin, “Davidʼ sungah kote in bang ngah nei ka hi uh hiam? Jessiʼ tapaʼ sungah gamhluah ka nei kei uh hi. Israel-te aw, na inn ciat uh ah ciah un. Rehoboam in ama ading vaihawm tawm tahen,” a ci uh hi. Tua ahih ciangin Israel mi khempeuh a inn ciat uh ah kihem uh hi.

2 KHANG TANGTHU NIHNATE 10:16 Referans Kwoze

2 KHANG TANGTHU NIHNATE 10:19

Tua ahih ciangin tu ni dongin Israel in David innkuan lehdo hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong om kha hi; amah in peengkul tumin, “David sungah tanh i nei kei hi, Jessi’ tapa’ sungah gamh i nei kei hi; mi khempeuh na inn ciat uh-ah ciah un, Israelte aw,” a ci hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

1 KORIN MASA 15:25

Pasian in galte khempeuh ama khe nuai-ah a khiat khit dong matengin Khazih in a maang ding hi.

Sawltak 2:30

Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

Johan 7:53

Tua ahih ciangin, mi khempeuh amau innah a ciah uh hi.

Johan 6:66

Tua-a kipanin ama nungzui tampite in Zeisu tawh kipawl nawn loin a kihei kik uh hi.

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Late 132:17

Keimah in tua lai-ah David’ suan-le-khakte kumpi lian-in ka koih ding a, ka sathau nilhpa’ ukna ka kipsak ding hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

1 KHANG TANGTHU MASATE 17:14

ka inn sung leh ka kumpi gam sungah amah kipsak paisuakin ama kumpi tokhomkip paisuak ding hi,’ci hi,” a ci hi.

1 KUMPI MASATE 11:13

Ahi zongin kumpigam khempeuh ka balkhia kei ding hi; ka nasempa David hang leh ka teelsa Jerusalem hangin na tapa tungah minam khat ka pia ding hi,” a ci hi.

2 SAMUEL NIHNA 16:11

Tua ciangin David in Abishai leh a nasemte khempeuh kiangah, “En un, keima tapa mahmah in kei thah dingin hong zong hi; hih Benjamin mi in bangzahin tu-in hong zong zaw ding hiam! Ama thu-in omsak un, amah samsia sak un; bang hang hiam cih leh Topa in amah sawl hi.

2 SAMUEL NIHNA 15:13

Tua ciangin kamtai khat David kiangah hong pai-in “Israel mite’ lungsim Absalom’ lamah pai khin hi,” ci-in gen hi.

1 SAMUEL MASA 22:13

Tua ciangin Saul in ama kiangah, “Tu ni-a bangin hong pangsimin kei do dingin hong thawh theih nadingin bang hangin nang leh Jessi’ tapa in kei hong sawmsim a, ama tungah an leh namsau pia-in, ama adingin Pasian kiangah thu dotsak na hi hiam?” a ci hi.

1 SAMUEL MASA 22:9

Tua ciangin Saul’ nasemte kiangah a ding, Edom mi Doeg in dawngin, “Ahitub’ tapa Ahimelek kiang Nob khua-ah Jessi’ tapa a pai ka mu a,

1 SAMUEL MASA 22:7

Tua ciangin Saul in a kimkot-a a ding a nasemte kiangah, “Tu-in za un, no Benjaminte aw; Jessi’ tapa in note khempeuh lote leh leenggui lote hong pia-in, note khempeuh a tul a uk, a za a uk-in hong koih dingin um a,

1 SAMUEL MASA 20:27

Ahih hangin a ni nih ni, kha det ni khit a zingsang ciangin David’ mun awng lai hi. Tua ciangin Saul in a tapa Jonathan kiangah, “Bang hangin Jessi’ tapa zanni hita leh, tuni hita leh an nekna-ah hong pai lo ahi hiam?” a ci hi.

Thukhente 8:35

Jerubbaal (Gideon a cihna) in Israelte tungah a bawl thu hoihte khempeuh hangin amaute in Jerubbaal innkuante tungah migitna bangmah lak lo uh hi.

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

2 KHANG TANGTHU NIHNATE 10:17

Ahih hangin Judah khuapite ah a teeng Israel mite tungah Rehoboam in uk hi.