2 KHANG TANGTHU NIHNATE 10:15 - Tedim Bible

¹⁵ Tua ahih ciangin kumpipa in mite’ thu ngai lo hi; bang hang hiam cih leh Shiloh khuami Ahijah tung tawnin Nebat’ tapa Jeroboam tungah a thugente Topa in a tun’sak theih nadingin Pasian a pian’sak thu kiheina ahi hi.

Tedim Bible Revision 2017

¹⁵ Tua ahih ciangin kumpipa in hih miteʼ thu ngai lo hi; bang hang hiam cih leh Shiloh mi Ahijahʼ tungtawnin Nebatʼ tapa Jeroboam tungah a thugente Topa in a tunsak theih nadingin Pasian in a piansak thu kiheina ahi hi.

2 KHANG TANGTHU NIHNATE 10:15 Referans Kwoze

1 SAMUEL MASA 2:25

Mi khat in mi dang khat tungah a khialh leh ama adingin Pasian in pa-lai sem ding hi; ahih hangin mi khat Topa tungah khial leh ama adingin kua in va thuumsak ding ahi hiam?” a ci hi. Ahih hangin amaute in a pa’ thu ngai lo uh hi; bang hang hiam cih leh tua in amaute a thah nadingin Topa deihna ahi hi.

Isaiah 19:14

Topa in amaute lungsim kitukalhsak khin zo hi; zukhampa pen ama luak sung mahah a puk bangin Izipt gam mite’ hihna khempeuh khialin hoi mang khin hi.

Sawltak 4:28

sathau na nilhsa na Sila siangtho Zeisu tungah hih ding a kikhawm takpi uh hi.

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

1 KUMPI MASATE 22:20

tua ciangin Topa in, ‘Amah kuanto-in Ramoth-gilead ah a tuk nadingin kua in Ahab va zol ding hiam?’ ci hi. Khat in thu khat genin adang khat in thudang khat gen hi.

1 KUMPI MASATE 12:24

“Topa in hih bangin ci hi: Note na kuanto kei ding uh a, na behte uh Israelte na do kei ding uh hi. Mi khempeuh a inn ciat uhah ciah hen; bang hang hiam cih leh hih thu in keima kiang pan ahi hi,’ ci hi,” a ci hi. Tua ahih ciangin amaute in Topa’ thu ngai uh a, Topa’ thugen bangin innah ciahkik uh hi.

1 KUMPI MASATE 12:15

Tua ahih ciangin kumpipa in mite’ thu ngai lo hi, bang hang hiam cih leh Topa in Shiloni mi Ahijah tung tawnin Nebat’ tapa Jeroboam tungah a gensa thu a tun’sak nadingin Topa in a pian’sak thu kiheina ahi hi.

Thukhente 14:4

A nu leh a pa in hih thu pen Topa kiang pan ahih lam thei lo hi; bang hang hiam cih leh amah in Filistia mite tungah paulap a zong ahi hi. Tua hun lai takin Filistia mite in Israelte uk hi.

Johan 19:24

Tua ahih ciangin, “Hih puan balkeek kei ni. Kua in ngah ding hiam lai-ai i saan ding hi,” ci-in, Lai Siangtho sungah a kigelhna thu a tun’ nadingin galkapte a kikum uh hi. Tua thu in: “Amaute khat leh khat in ka puan a hawm uh hi; Ka puan tungah lai-ai a saan uh hi,” ci-in a kigelh hi. Galkapte in tua thu a bawl uh hi.

2 KHANG TANGTHU NIHNATE 9:29

Tu-in Solomon’ gamtatna a om laite, a kipatna pan a tawp dong, kamsang Nathan’ tangthu sung, leh Shiloh khua mi Ahijah’ thugen kholhna sung, leh Nebat’ tapa Jeroboam’ thu tawh kisai-in thu-mupa Iddo’ mangmuhna sungah kigelh hilo ahi hiam?

Thu-hilhkikna 2:30

Ahih hangin Heshbon kumpipa Sihon in eite hong paisak lo hi; bang hang hiam cih leh tu huna mah bangin na khut sung uhah amah hong piak theih nadingin Topa a Pasian un a lungsim khauh sakin, amah paupeng sak hi.

2 KHANG TANGTHU NIHNATE 10:14

“Ka pa in na hakkol uh giksak hi; ahih hangin keimah in ka behlap ding hi; ka pa in ciang tawh note hong thuhilh hi; ahih hangin keimah in ciang ling nei tawh note kong thuhilh ding hi,” ci-in khangnote’ ngaihsut piakna bangin kumpi Rehoboam in amaute kiangah gen hi.

2 KHANG TANGTHU NIHNATE 11:4

‘Topa in hih bangin ci hi: ‘Note na kuanto kei ding uh a, na mipihte uh na do kei ding uh hi. Mi khempeuh na inn uhah ciahkik un; bang hang hiam cih leh hih thu in keima kiang pan ahi hi,’ ci-in gen in,” a ci hi. Tua ahih ciangin amaute in Topa’ thu ngai-in ciahkik uh a, Jeroboam a do dingin kuan lo uh hi.

2 KHANG TANGTHU NIHNATE 22:7

Ahih hangin Jehoram kiangah hawh dingin a paina tawh Ahaziah’ puk nading a tun’ nading Pasian’ sehsa a hi hi. Bang hang hiam cih leh tua lai-ah amah hong pai ciangin, Ahab innkuan a susia dingin Topa in sathau a nilhsa Nimshi’ tapa Jehu tawh a kimu dingin Jehoram tawh paikhia hi.

2 SAMUEL NIHNA 17:14

Tua ciangin Absalom leh Israel mite khempeuh in, “Arkhi mi Hushai’ thugen in Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom tungah siatna a tun’sak theih nadingin Ahithofel’ thugen hoih tawh a zawh ding Topa in a sehsa ahi hi.