2 KHANG TANGTHU NIHNATE 1:6 - Tedim Bible

⁶ Tua ciangin kikhopna bukah a om, Topa mai-a sumngo biaknatau ah Solomon paito-in tua tungah meihal biakna ganhing tulkhat pia hi.

Tedim Bible Revision 2017

⁶ Tua ciangin kikhopna buk ah a om Topaʼ mai-a sumngo biakna tau ah Solomon pai to-in tua tungah meihal biakna ganhing tul khat a pia hi.

2 KHANG TANGTHU NIHNATE 1:6 Referans Kwoze

1 KUMPI MASATE 3:4

Tua ciangin biakna pia dingin Gibeon ah kumpipa pai hi; bang hang hiam cih leh tua in mual tunga biakna mun lianpen ahi hi; Solomon in tua biaknatau tungah meihal biakna tam veipi tak a piaknasa mun ahi hi.

1 KHANG TANGTHU MASATE 29:21

Tua ciangin amaute in Topa tungah biakpiakna bawl uh a, a zing ciangin Topa tungah meihal biakna bawngtal tulkhat, tuutal tulkhat, leh tuuno tulkhat, a leenggahzu tawh a biakna teng tawh, leh Israel khempeuh adingin biak piakna tampi pia uh hi;

1 KUMPI MASATE 8:63

Solomon in thunuam-a biakna-in Topa tungah bawngtal tul sawmnih leh tul nih leh tuu tul za khat leh tul sawmnih pia hi. Tua ahih ciangin kumpipa leh Israel in mi khempeuh in Topa’ inn ap uh hi.

Isaiah 40:16

I Topa biak nadingin Lebanon sing kicing lo ding a, a ganhingte zong meihal biak nadingin kicing lo ding hi.

1 KUMPI MASATE 8:5

Ama mai-ah a kikhawm Kumpi Solomon leh Israel mihonte khempeuh thuciamna singkuang mai-ah amah tawh omin, tuu leh bawngtalte biakna-in tampi tak pia uh ahih manin tuate kiseh thei lo, a phazah kisim zo lo hi.

2 KHANG TANGTHU NIHNATE 8:12

Tua ciangin sabbath nite, khadet nite, leh kum simin a kinei pawi thum—silngo sawh loh anlum pawi, nipi kal pawi, biakbuk pawite’ adingin Moses’ thupiakna tawh kizui-in ni simin piakna nasep ding a kisam ahih mah bangin innlim mai-a a lam Topa’ biakna tau tungah Solomon in meihal biakna Topa tungah pia hi.