2 KHANG TANGTHU NIHNATE 1:2 - Tedim Bible

² Solomon in Israel khempeuh tung, a tultul leh a zaza-a a ukte tung, thukhente tung, leh Israel khempeuh sunga makai khempeuhte tung, leh beh lutangte tungah thu gen hi.

Tedim Bible Revision 2017

² Solomon in Israel mi khempeuh tung, a tultul le a zaza-a a ukte tung, thukhente tung, Israel sunga makai khempeuh tung le beh lutangte tungah thu a gen hi.

2 KHANG TANGTHU NIHNATE 1:2 Referans Kwoze

1 KHANG TANGTHU MASATE 28:1

David in Jerusalem-a Israelte lakah zaneite, minamte sungah zaneite, kumpipa’ na a sem a khente sungah uliante, a tul tul a, a ukte, a za za-a a ukte, neihsa khempeuh leh kumpipa’ ganhingte leh a tapate a kemte pen, kumpi inn a, zaneite, a thahat mite, leh gal a hang tawntungte khempeuh tawh khawm hi.

1 KHANG TANGTHU MASATE 27:1

Tu-in Israel mite, beh lutangte, a tul leh a za-a a ukte, leh khen khatah mi tul sawmnih leh tulli a om, kum tawntung kha khat khit kha khat hong tungin a kuankhia a khente tawh kisai-in na khempeuh ah kumpipa’ na a sem a uliante in:

2 KHANG TANGTHU NIHNATE 30:2

Bang hang hiam cih leh kumpipa leh a uliante leh Jerusalem a, a kikhawm khempeuh in Paisan Pawi a kha nihna sungin bawl ding kikum khin uh hi—

2 KHANG TANGTHU NIHNATE 29:20

Tua ciangin kumpipa Hezekiah tho baihin khuapi sung ukna-za neite khawm a, tua ciangin Topa’ biakinn ah paito hi.

1 KHANG TANGTHU MASATE 29:1

Tua ciangin kumpi David in a kikhawm khempeuhte kiangah, “Pasian in amah bek a teelsa ka tapa Solomon pen khangno-in pumpi tawh sinna om nai lo a, nasep ding pen lian hi; bang hang hiam cih leh hih inn lianpi in mihing ading hilo a, Topa Pasian’ ading ahi hi.

1 KHANG TANGTHU MASATE 24:31

Hihte in zong a behte uh ahi Aaron’ suante mah bangin kumpi David, Zadok, Ahimelek, leh siampite leh Levi mi beh lutangte’ muhna ah beh lutangte leh a nau pasalte ciat in a kibangin ai saanna tawh nasepna tavuan la uh hi.

1 KHANG TANGTHU MASATE 24:4

Ithamar’ suante lak sangin Eleazar’ suante lakah ukpi tam om zaw ahih manin, amaute in Eleazar’ suante pawl sawm-le-guk suahin, Ithamar’ suante pawl giat suah hi.

1 KHANG TANGTHU MASATE 15:12

amaute kiangah: Note in Levi mite beh lutangte na hi uh hi; ama adingin ka bawlsakna munah Israel Pasian, Topa thuciamna singkuang na paipih toh theih nadingun note leh na Levi mipihte uh nomau mah kisiansuah tawm un.

1 KHANG TANGTHU MASATE 15:3

Tua ciangin amah in a bawlsa, ama om nading munah Topa’ thuciamna singkuang a paipih to dingin David in Jerusalem ah Israel khempeuh khawm hi.

1 KHANG TANGTHU MASATE 13:1

David in a tul-a ukte leh a za-a ukte leh makai khempeuh tawh kikupna khat nei hi.

2 KHANG TANGTHU NIHNATE 1:3

Tua ciangin Solomon, leh amah tawh a om a kikhawm khempeuh, Gibeon-ah a om mual dawn-a biak piakna munah pai uh hi; bang hang hiam cih leh Topa’ nasem Moses in gamlak ah a bawlsa Pasian’ kikhopna buk tua lai-ah om hi.

1 KUMPI MASATE 3:4

Tua ciangin biakna pia dingin Gibeon ah kumpipa pai hi; bang hang hiam cih leh tua in mual tunga biakna mun lianpen ahi hi; Solomon in tua biaknatau tungah meihal biakna tam veipi tak a piaknasa mun ahi hi.